ნოემბრის ღამე / ნინიას ლექსები

 (ხმები: 15)


ნოემბრის ღამე / ნინიას ლექსები ninias leqsebi
ვერ შევეგუე მარტოობას და
დავუმეგობრდი უძილო ღამეს.
შენზე ფიქრებით ვიწყებ თრობას და
გასამხნევებლად თუ მეტყვი რამეს-
მე ავმღერდები, გათენებამდე
შემოვირიგებ მზესა და მთვარეს,
ტაძართან შევყრი მტერს და მოყვარეს,
სანთლების შუქზე ვილოცებ რამდენს.
მე შეიძლება კიდეც ავტირდე
წვიმის წვეთების მოწყენილ ხმაზე,
ვეღარ გავუძლო უამინდობას,
გადავეყარო ქარიშხალს გზაზე.
იქნებ ნოემბრის ღამის ფიქრები
ჭაღარასავით დამეხვეს თმაზე,
როგორც გაყინულ ფრინველთა გუნდი
მოულოდნელად აჭრილი ცაზე.
მე შეიძლება ლექსიც დავწერო
უძილობაზე და თეთრ ღამეზე.
რომ არ ვიფიქრო მარტოობაზე
შენ მესაუბრე ოღონდ რამეზე.

ნინიას ლექსები




ტექსტის სანახავად გაიარეთ რეგისტრაცია.