როცა დავშორდი მე ჩემს სამშობლოს

 (ხმები: 49)


როცა დავშორდი მე ჩემს სამშობლოს,

დავკარგე ძალა და მადლი მისი,

მე მირჩევნია ჩემი ღარიბი

ვიდრე მდიდარი ქვეყანა სხვისი,

სჯობს ღარიბობა ჩემს სამშობლოში,

სჯობს რომ მესმოდეს ენა ქართული,

ისეთი სწრაფად მიფრინავს წლები

თითქოს თამაშით ვიყო გართული,

როდესაც გავხდი მე ემიგრანტი

შევიწროვება ვიგრძენი მაშინ,

უცხო კანონებს ვემორჩილები

დავდივარ როგორც დასჯილი ბავშვი,

ჩემს ქვეყანაში მე ფრთები მესხა

და პატრიოტი ქართველი მერქვა

მე იქ შემეძლო ჩემი ლექსები

ხალხის წინაშე ხმამაღლა მეთქვა,

სადაც ვიქნები სულ მეყვარება

ჩემი მთები და ჩემი ბუნება,

რაც მთავარია... მემახსოვრება:

ენა!მამული! სარწმუნოება!

როცა დავშორდი ჩემს საქართველოს

დავკარგე ძალა და მადლი მისი,

მე მირჩევნია ჩემი ღარიბი

ვიდრე მდიდარი ქვეყანა სხვისი

გოგა გოგილაშვილი




ტექსტის სანახავად გაიარეთ რეგისტრაცია.