ირაკლი გაფრინდაშვილი - დღეს მერამდენედ გამოგიგონებ



დღეს მერამდენედ გამოგიგონებ, მერევა თვლაში ,
ჯერ არ ნანახი უფრო მიყვარხარ, ვიდრე სხვას ცხადში.
როცა პირველად ფიქრში მოგხაზე ვიყავი ბავშვი ...
წარბსაც არ შევხრი რომ ჩამივარდე შემთხვევით თვალში.

დღეს მერამდენედ გამოგიგონებ, მერევა თვლაში ,
წუხელ მეღვიძა , სიზმარს გიბნევდი ტალღოვან თმაში.
დედა ნუ ეტყვი ლექსებს რომ ვწერ და ფიქრს ვშლი ქარში
შენი ძმაც მიყვარს , ალბათ პატარა , უყვარს თამაში . . .

დღეს მერამდენედ გამოგიგონებ, მერევა თვლაში ,
სახლსაც ვიგონებ, ალბათ იქნება მშვიდი გრიგალში .
ვეცდები ცხენიც გამოგიგონო , ებას თავლაში ...
და თუ ეს მოხდა , მშვიდად ვიძინებ შენს თბილ კალთაში

ირაკლი გაფრინდაშვილი



Loading...

ტექსტის სანახავად გაიარეთ რეგისტრაცია.