ქართველი კაცი როცა მოკვდება ვაზი ამოდის ზედა



შაჰ-აბასმა კახეთში გააჩეხინა და ამოაძირკვინა ვენახები.ბრძანება გასცა:ვის ვენახშიც თუნდაც ერთ ძირ ვაზს აღმოაჩენთ,ვენახის პატრონს თავი მოჰკვეთეთო!
ერთ-ერთი გლეხის ვენახში მართლა ნახეს ერთი ძირი შემთხვევით ჩარჩენილი ვაზი.
პატრონი სახალხოდ დასაჯეს,თავი მოჰკვეთეს და სახელდახელოდ გათხრილ მიწაში ჩააგდეს.იმ საფლავზე მეორე წელს ვაზის რქამ ამოიყარა.თურმე დასჯილ კახელ გლეხს ხალათის საღილეებში ვაზის ლერწი ჰქონდა გაყრილ-გამოყრილი და ის ამოზრდილიყო.

**********************
სიკვდილს სიცოცხლე რომ არ მოჰყვება
ვინა სთქვა ესე ნეტა
ქართველი კაცი როცა მოკვდება
ვაზი ამოდის ზედა
ვაზი ამოდის და თან რა ვაზი
ცრემლად იღვრება ცრემლად
და დაიტირებს მის გამშენებელს
რომელიც იქცა მსხვერპლად
ვაზმა იხარა და მისი ღვინით შესანდობარი დალიეს ჩვენთან
შესანდობარი კაცის რომელმაც
თავი გაწირა მსხვერპლად
თავი გაწირა ვაზის ჯვრის მადლით
და ქრისტეს სადიდებლად
თავი გაწირა
თავი გაწირა
თავი გაწირა მსხვერპლად.

/მიშო ქიშოშვილი/




Loading...

ტექსტის სანახავად გაიარეთ რეგისტრაცია.