მუდამ მინთია ერთი სანთელი



"მუდამ მინთია ერთი სანთელი"-

მამით -მეგრელი,დედით-გურული,
სივრცე მაქ ნაბდად წამოხურული.

ჩანს იმედივით ჩემი გელათი,
იმერელი ვარ დედისდედათი

და უმტკიცესი კუნჭულ-კუთხეთი,
მათი ხელდასხმით, ლოცვა-კურთხევით:-

მუდამ მინთია ერთი სანთელი,
ერთი სახელი მქვია--ქართველი!!

ამიტომ მე ვარ ნაღდი სვანი და
ჩემი სალოცავ-საესავითა

მე ვარ თუში და ფშაველ-ხევსური
და რას დამაკლდებს ვინმე,ბნელსული...

ვარ აჭარელი, რაჭველი,მესხი...
მე იმდენი ვარ,ხან თავბრუც მესხმის!

მაგრამ...მინთია ერთი სანთელი, ერთი სახელი მქვია ქართველი!

მე ვარ მოხევე,ვარ ლეჩხუმელი,
მუდამ თბილი მაქვს ჩემი ღუმელი

ზამთარში,როცა სტუმარს ველი და
ზაფხულში ვხვდები ტალავერითა!

რა მაქვს სააჯო ან დასამალი--
მე ვარ ქართლელი--გულით ალალი,

არ ვარ მშიშარა,უკანდამხევი,
რადგან ეს მე ვარ --მტკიცე კახელი!

მე ვარ ლაზი და...ისევ ის მესხი,
მე იმდენი ვარ,ხან თავბრუც მესხმის...

და,ჩემი ქვეყნის ყველა კუთხეთი,მათი ხელდასხმით,ლოცვა-კურთხევით:-

მუდამ მინთია ერთი სანთელი,
ერთი სახელი მქვია--ქართველი!!💗💗💗

ზაურ მოლაშხია 



Loading...

ტექსტის სანახავად გაიარეთ რეგისტრაცია.