თეთრ ტაძარში



თეთრ ტაძარში

(tetr tadzarshi)


თეთრ ტაძარში თეთრი ფანტელები ცვივა,
სადა ხარო? კითხვით დაღლილიყო წვიმა,
ამ ლურჯთვალა იებს მოჰყვებაო მარტი,
ნამთვრალევი დამდევს მარტოსული დარდი.
იცრემლება მთვარეც და მდუმარე მისმენს,
მეკითხება დღემდე სიმარტოვის მიზეზს,
ქარტეხილი მძაფრი მოვარდება ისევ,
ღამის მწუხრის ფერი გადარეკავს ნისლებს.
შემოირბენს ჩემთან წუთით შენი წვიმა,
თეთრ ტაძარში თეთრი ფანტელები ცვივა...
დავუღლივარ ლოდინს, შეწყვეტილა სუნთქვა,
ქარი ისევ ქრის და სხვის არიას უკრავს...
დღეს ლურჯთვალა იებს მოჰყვებაო მარტი,
ნამთვრალევი დამდევს მარტოსული დარდი,
ნეტავ სად ხარ, დღემდე გეძებს ჩემი წვიმა,
თეთრ ტაძარში თეთრი ფანტელები ცვივა!



Loading...

ტექსტის სანახავად გაიარეთ რეგისტრაცია.