ნანა სელეპანოვა - მარტოხელები

 (ხმები: 0)


ნუ შეიყვარებთ სხვისი
ბაგით ნაფერებ თვალებს,
ვისაც სხვის მკერდზე
ღამე თეთრად უთენებია,
მარტოხელები, ვით
მათხოვარს უშვებენ ღამეს
სახლში და... ღამის
სიბნელეში მარტო რჩებიან.

ნუ გაიხსენებთ თქვენს
ბაგეზე ლაქად დარჩენილ
კოცნებს, ღამით როს
საცდუნებლად უხვად ჩნდებიან,
მარტოხელები, საუბრობენ
ტუჩის ამრეზით,
ხუჭავენ თვალებს და არასდროს
აღარავის ელოდებიან.

დარჩე სულ მარტო,
შენ თუ არა, ეშმამ ინება,
სანამ გაზაფხულს
ვარდობისთვე
კვირტებს გაუშლის,
ასე, ამგვარად,
იბადება ჭეშმარიტება
მარტოობაში,
ვით სამხილი დანაშაულის.

ნუ შეიყვარებთ სხვისი
ბაგით ნაფერებ თვალებს...
და დაელოდეთ, შემოაღებს
ვინ როდის კარებს...



Loading...

ტექსტის სანახავად გაიარეთ რეგისტრაცია.