ნანა სელეპანოვა - იქ, სადაც მწვერვალებს ცა ბინდავს

 (ხმები: 0)


წამიყვან? ვიცი, არ წამიყვან...
და მაინც მე გელი ამ ღამეს,
იქ, სადაც მწვერვალებს ცა ბინდავს,
სად კლდეზე დალეწილ კალმახებს
ტალღები ფსკერისკენ მიათრევს...
სადმე შორს.. სიღრმეში.. იმ მხარეს,
წვიმისგან დანამულ უღრან ტევრს
ვერ სწვდება მზის სხივის სინათლე.
ავიტან, ყველაფერს ავიტან,
შენ ოღონდ, ის გზები მაჩვენე,
რომელიც მწვერვალზე ამიყვანს...
ეს ადრე, ბოლომდე არ გენდე,
სინანულს დავათრევ მხრებით და
ძალა და ხელ-ფეხი წამერთვა,
შენამდე ვერ მოველ ... მერჩივნა
მე შენი ტანჯვა და წამება.
მერე კი, ჩემი გზით გავწიე...
ვეძებდი საკუთარ ანარეკლს
შენს თვალში... მძებნელად მაქციე
და ვერ შეველიე მაგ თვალებს.
იქნებ და, ტყუილად ვინანე,
გეძახე... ვერაფრით ვერ დაგთმე,
ნუ ამწევ, თუ გინდა სიმართლე,
უშენოდ ვერ ვწვდები მწვერვალებს.
და ვტირი ცრემლებით მჩქეფარე,
გრძნობებით დაცლილი ჩანჩქერად,
მოხეთქავს გულიდან მგზნებარე
სიტყვები, რომლებიც წაგლეკავს.
იქ, სადაც მწვერვალებს ცა ბინდავს,
სადღაც შორს.. სიღრმეში.. იმ მხარეს,
წამიყვან? ვიცი, არ წამიყვან...
და მაინც მე გელი ამ ღამეს.



Loading...

ტექსტის სანახავად გაიარეთ რეგისტრაცია.