ნანა სელეპანოვა - გაჩუმდე უნდა

 (ხმები: 0)


გაჩუმდე უნდა, თვალში
ნაცარს როს შეგაყრიან
და უცოდველი ბატკანივით,
როცა გწირავენ,
დითირამბების კორიანტელს,
როცა გაყრიან,
დაგაყენებენ კვარცხლბეკზე და..
რომ ჩაგძირავენ.

ბარტყს ასაფრენად გამზადებულს
ყელი გამოგჭრეს
და არაერთხელ მოგიწამლეს
გონება მშვიდი,
შენ ვერაგობით განწირული,
როცა დაგმოძღვრეს,
თეთრი ფურცლები გადაღებე
შენივე სისხლით.

არა, ყველას ვერ აატირებ
ცრემლით უშრეტით,
შენ საკუთარი ცრემლების
ყრით თავად ივსები,
მხოლოდ იფეთქე დაუშრეტელ
სიტყვით გულწრფელით
და ნურასდროს, ნურასდროს
ნუ შეიცვლები.



Loading...

ტექსტის სანახავად გაიარეთ რეგისტრაცია.