ნანა სელეპანოვა - სინანული

 (ხმები: 0)


გრძნობები ისევ
გასცდნენ ნაპირებს,
სარკმელთან ბჟუტავს
მთვარე მიმქრალი,
დღეს ცხარე ცრემლით
ვეღარ ვატირებ
თვალებს, სველ
ფიქრით ჩამომდინარით.

რა უცნაური
სამყარო მმართავს,
უცნაურ შფოთვით
შემოპარული,
მარტოეულის გულს
ერთად დაღავს,
ვაება, კრთომა
და სიყვარული.

თითქოს, სხეული
იწვის ხანძარში
და დამწვარ სხეულს
გარშემო ვუვლი,
თითქოს, თოკებით
უცხო სარდაფში,
გული დავტოვე
გამონასკვული.

გულს სინანული
ვეღარ მიქარვებს,
ტრფობის გენიით
აღარ ვიწვები,
ბედნიერება ხელს,
თუ არ მართმევს,
სევდისგან მე ვერ
გარდავიქმნები.

მზეს ვეგებები
სახით მცინარე,
ეს კომედია უფრო
ჰგავს დრამას
და ვდგავარ ასე,
უფლის წინაშე,
როგორც გოიას
შიშველი მახა.

ანგელოზებმა ჩემ
ბედ - იღბალზე,
ბევრი იცინეს,
ბევრიც იდავეს...
და ჰრქუა ერთმა:
"სისხამ დილაზე,
შენსკენ უთუოდ
გადმოინაცვლებს."



Loading...

ტექსტის სანახავად გაიარეთ რეგისტრაცია.