ნანა სელეპანოვა - სალაღობო — 4

 (ხმები: 0)


ხომ შემპირდი, სიზმრად მოსვლას,
რატომ აღარ მოხვედი?
ამ საღამოს, თუ არ მოხვალ,
შემდეგ ღამეს მოგელი.

ბიჭავ, ვცადე, მაგრამ ვწუხვარ,
შემოსვლა ვერ შევძელი,
ტანს საბანი წაგეხურა,
როგორც ღამეს ბნელეთი.

საბანი და.. დამნაშავე?
ეს არასდროს მსმენია,
ღამე ცრემლით გავაშავე,
გული გადამერია.

შენი ცრემლი ავიტანო,
თუ დაგადგე მწოლიარს?
საბანი არ წაიფარო,
ამ საღამოს მოვდივარ.

თმა ლოდინმა გადათოვა,
ჩემ სიზმარში ზამთარია,
სიბერეში ხვევნა, კოცნა,
შენთან ერთად მაგარია.

ჯერ ადრეა სიბერემდე,
ოცნებებში დავფრინავ,
ჩემი სახლის კიბეებზე,
ფრენა-ფრენით ავდივარ.

მოდი, ასე ვთქვათ, ლამაზო,
ერთად ვაფრინოთ გულები,
ან თქვი, როდემდე გაცალო,
ან რაღას მეკეკლუცები?

აი, ხომ ხედავ, სურვილიც,
რა უმცირესი გქონია,
კაცი ასეთი გულგრილი,
მე ჯერ არ გამიგონია.



Loading...

ტექსტის სანახავად გაიარეთ რეგისტრაცია.