ნანა სელეპანოვა - სალაღობო — 2

 (ხმები: 1)


როგორც ბავშვი პაწაწინა,
როგორც ბარტყი პაწია,
ქალი ვნახე იმისთანა
კუსპარა და პრანჭია.

სახით - ლოყაალეწილი,
ტანით - ლერწამტანისა,
შევხედე და გამაოცა,
გული გამიხალისა.

თვალჟუჟუნა, ცისფერთვალა,
ქალღმერთი თუ ქალია?
გვერდით ისე ჩამიარა,
თითქოს ქარიშხალია.

მიდის, კაბას სიფრიფანას,
უფრიალებს ნიავი,
უკან ყურებდაცქვეტილი
ლეკვი მისდევს ცქრიალით.

შემხედა და შემიბღვირა,
დავრჩი ასე განდევნილი,
სახლში ცოლი მელოდება
ხელში დანაალესი.

წინ ქალია, უკან ლეკვი,
გვერდით დიდი ჭადრებია,
წამოვედი გულდამწყდარი,
როგორც დაგიბარებია.



Loading...

ტექსტის სანახავად გაიარეთ რეგისტრაცია.