ეს შენ... არასდროს დაგავიწყდები,
იტყვი: "სად არის, ნეტავ ის ქალი?"
მე კი ბეღურად გადავიქცევი
და ფრთებით კოცნას გამოგიგზავნი.
აი, ხომ ხედავ! ბეღურად ვიქეც,
ჩემში იმ ქალის ლანდიც არ არის,
დღეს ქვების გროვად, რომ გადავიქცე,
იტყვი? - "ის ქალი, ნეტავ, სად არის?"
იმედი არ მაქვს, თუმცა, ვიტოვებ,
ახლა, ეჭვები მე არას მარგებს,
ეს ახლა, როცა დავთმობ სიცოცხლეს
შენთვის და... შენში სულ ვინავარდებ.
მერე, ხომ მეტყვი, როგორ გიყვარვარ,
ჩემი სურვილით, როგორ იწვები,
მეც შენ ფერფლიდან ფენიქსის მსგავსად,
შენთვის იმ ქალად გარდავიქმნები.
Loading...
მოგესალმებით!