ნანა სელეპანოვა - ვით ნერეიდა

 (ხმები: 0)


შენ ახლა ხვდები, თუ მზე
ზღვაში, რატომ ეშვება,
რატომ მიჰყვება შორს ზღვის
ტალღებს თეთრი თოლია,
მზე კვლავ ამოვა, მაგრამ შენ
ხვალ, რა გეშველება,
თუ ვით თოლია, შენც შორს
ტალღამ გაგიყოლია.

მზე, მზე არის და მზეს
შენსავით ვერ ეყვარება,
იქნებ, შენსავით ზღვა
იყვარა თეთრმა თოლიამ,
შენ დაიჟინე, ისე
არვინ შეგიყვარებდა,
როგორც თოლიამ ზღვის
ტალღები დაიყოლია.

შენც გარდასახე სახე შენი,
როგორც გეიშამ,
როს გარიჟრაჟზე მზესთან
ერთად ზღვაში შედიხარ
და ზღვის ქაფიდან ამოცურდი,
ვით ნერეიდა,
რომ მზემ დაიხრჩოს ზღვაში
თავი შებინდებისას.



Loading...

ტექსტის სანახავად გაიარეთ რეგისტრაცია.