ნანა სელეპანოვა - ყველაფერი სრულდება

 (ხმები: 1)


ყველაფერზე გული მწყდება,
ყველაფერი რთულდება,
ყველაფერი, რაც იწყება,
ყველაფერი სრულდება.

იყო დღე და იყო ღამე,
მთვარე ცაზე ვიდოდა,
მზე ღრუბლებში მოქანავე,
წვიმა უხმოდ ტიროდა...

და ოდესღაც შენი ლანდიც
მოდიოდა სიზმარში,
თითქოს გულთან ახლოს მყავდი,
თითქოს გვერდით იყავი.

ყველაფერი იყო, მაგრამ
ჩვენ არაფრად გვიღირდა,
ყველაფერი სიზმარს ჰგავდა,
შენც გახვედი სიზმრიდან.

ყველაფერი გადავთელე,
ყველაფერი დამთავრდა,
აღარავინ არ მაღელვებს,
აღარავის არა მწამს.

ყველაფერი რაც კი მართობს,
ყველაფერმა დამღალა,
ჩემთვის უკვე, ჩემო კარგო,
ყველაფერი აღარ ხარ!

...ყველაფერი, რაც იწყება,
ყველაფერი სრულდება!



Loading...

ტექსტის სანახავად გაიარეთ რეგისტრაცია.