რა სჯობს - უყვარდე თუ შენ გიყვარდეს?
იქნებ, სჯობს არვინ არ შევიყვაროთ,
მე მირჩევნია - არავინ მყავდეს,
ვიდრე ოდესმე გადამიყვარონ.
ალბათ, გვირილაც თუ მზესუმზირობს,
ცას შეჰყურებს და მიწაზე დარდობს,
მე მირჩევნია - დე, სხვებს უმზიროს,
ვიდრე ოდესმე გადამიყვაროს.
გძულდეს და მაინც ჩათვალო ღმერთად,
კაცი, რომელიც ღალატით გართობს,
მე მირჩევნია - შორს იყოს ჩემგან,
ვიდრე ოდესმე გადამიყვაროს.
რა სჯობს - დარჩენა თუ მისგან წასვლა?
იქნებ, წასული წასვლას არ ნანობს,
მე მირჩევნია - ლოდინით დაღლა,
ვიდრე ოდესმე გადამიყვარონ.
Loading...
მოგესალმებით!