ნანა სელეპანოვა - გზაზე მიდის ერთი ქალი...

 (ხმები: 2)


გზაზე მიდის ერთი ქალი...
რატომ ერთი?
მაშ, რამდენი?
უფრიალებს კაბას ქარი,
სიცილი აქვს გადამდები.

გზაზე მიდის კენტად ქალი...
რატომ კენტად?
არ ჰყავს მცველი!
ვერ დაიპყრო გული კაცის,
მას ასეთი დაჰყვა ბედი.

გზაზე მიდის მთვრალი ქალი...
რატომ მთვრალი?
მთვრალი სევდით!
ის ბახუსთან მწყრალად არის,
სიმარტოვეს, ასე სდევნის.

გზაზე მიდის თეთრი ქალი...
სულ მთლად თეთრი?
თმებით ქერა,
თვალები აქვს შავზე შავი,
მზერით კაცი დაატყვევა.

გზაზე მიდის ერთი ქალი...
ისევ კენტად?
კაცთან ერთად!
ქალი - კაცის საფიცარი,
კაცი? ოჰ, ეს კაცი,
მთავარია, კაცთან ერთად...!

გზაზე მიდის დედოფალი...
დ ე დ ო ფ ა ლ ი...
დ ე დ ო ფ ა ლ ი...




ტექსტის სანახავად გაიარეთ რეგისტრაცია.