ნანა სელეპანოვა - მესროლე!ტყვიას ნუ ამაცდენ

 (ხმები: 3)


მესროლე! ტყვიას ნუ ამაცდენ,
მე ახლა, არ ვითხოვ არაფერს!
ცის კიდეს აფრენა მეწადა,
სიარულს ფეხებით შიშველით,
გგონია, თითქოს და ერთად ვართ?
ჩვენ ახლა, ვერავინ გვიშველის..
გავიქცე? ვაითუ, წავიქცე
და მაინც, გავრბივარ მანამდე,
სანამდე ტყვიას არ ავიცდენ,
ო, არა, არ მინდა დავმარცხდე.
დღეს ელვამ ღრუბლები მოდენა
ჩემამდე... ჩაინთქა სამყარო
წყვდიადში.. და თხილის ოდენა
გული შეფრთხიალდა საბრალო.
და შენ კი, აფრენას არ მაცლი,
ცრემლებით მისველებ საკინძეს,
მაგ ცრემლებს ალერსით აგაცლი,
დაღარულ ღაწვზე, რომ აკინძე.
შემცივდა, უშენოდ შემცივდა...
ვეცემი და მაინც ვერ ხვდები,
რომ ვნანობ, გულწასულს მესვრი და
შენს ფეხთან ვერ ჩავიკეცები.
და ვუცდი მე შენგან განაჩენს,
ვინ იცის, გავატან ამ ღამეს?
მესროლე! ტყვიას ნუ ამაცდენ,
მე უკვე, არ ვითხოვ არაფერს!




ტექსტის სანახავად გაიარეთ რეგისტრაცია.