ნანა სელეპანოვა - ჩემო სანატრელო » Literatura.Mcvane.Ge



ნანა სელეპანოვა - ჩემო სანატრელო

 (ხმები: 7)


მე ის გაზაფხულზე გულში ჩავიხუტე,
მაინც ამატირა ზამთარში,
განა, ლერწამი ვარ, წელში გადამწყვიტო,
ჩემი მზეჭაბუკი, სად არის?

მოდი, ყვავილები თმაში ჩამიწანი,
ცაში ავაფრინოთ ალალი,
ოღონდ, გვირილები, აღარ გადათელო,
ჩემი მზეჭაბუკი, სად არის?

ჩემო საოცრებავ, ჩემო ერთადერთო,
ღმერთო, რა კარგი ხარ, რა კარგი,
ჩემო სანატრელო, შორით არ მეფერო,
ჩემი მზეჭაბუკი აქ არის!




ტექსტის სანახავად გაიარეთ რეგისტრაცია.