ნანა სელეპანოვა - იქნებ, არც კი გიყვარდი

 (ხმები: 1)


სხვამ თუ არა, ჩვენ ხომ ვიცით,
რა ძნელია ლოდინი,
მონატრება, რატომ გვაწევს
გულზე რიყის ლოდივით.

მაგრამ ახლა, ეჭვები მკლავს,
იქნებ, არც კი გიყვარდი,
ამამღერე, მერე გაქრი,
როგორც ზღვაში მირაჟი.

არ გიყვარვარ, გულში გული
მაშინ, რატომ დაფრინავს?
ახლოს მოდი, მე სიცოცხლე
უშენობით არ მინდა.

მე სიზმრებში დაგეძებდი,
შენ კი, აგერ ყოფილხარ,
მაინც, ახლოს არ მოდიხარ,
მეფერები შორიდან.

შეყვარებულთ როდის იყო,
სიზმარეთი ყოფნიდათ,
ჩვენ ხუმრობა, რომ გვეგონა,
თურმე, ტრფობა ყოფილა.




ტექსტის სანახავად გაიარეთ რეგისტრაცია.