ნანა სელეპანოვა - როცა მიყვარდა

 (ხმები: 1)


დილაა...ჭიშკარს აწვალებს ქარი,
მზემ საჩიხესთან გაიფრთხიალა,
მე მაშინ უფრო, ვიყავი ლაღი,
როცა მიყვარდა, როცა მიყვარდა.

უსიყვარულოდ, გულმა თუ გაძლო,
ფერს არ შეიცვლის ფერიცვალება,
უსიყვარულოდ, დილაც არ გამცნობს,
კიდევ ერთ ღამის გარდაცვალებას.

შეყვარებულებს თვალები ამხელს,
თუ შეგიყვარეს, თუ შეიყვარებ,
მაშინ შენ ბაღშიც ალისფერ ატმებს,
მთვრალი ნიავი დაუნიავებს.

ღამდება.. მთვარე ზენიტში ადის,
მზემ გაიხურა ცივად ჭიშკარი,
მე მაშინ მერქვა, მე, შენი ქალი,
"როცა გიყვარდი, როცა გიყვარდი!"




ტექსტის სანახავად გაიარეთ რეგისტრაცია.