ნანა სელეპანოვა - ჩვენთან არს ღმერთი

 (ხმები: 0)


ნეტავ, მზე ცაზე, რისთვის აენთო,
ან დღევ ნათელო, რატომ ბინდდები?
ჩვენ არაფერი არ გვაქვს საერთო,
საერთო არის, უფლის სიტყვები!

სანამ, მზე მთებზე გადაგორდება,
მზე, მცხუნვარებით განაწირები,
შენგან შექმნილთა ისმის გოდება,
შენგან დაქსაქსულ შენი შვილების!

და შენც, უთუოდ გქეჯნის სინდისი,
რომ მტერ-მოყვარე ვეღარ იცანი,
რომ ნანახი გაქვს, როგორ იყიდის,
ოცდაათ ვერცხლად ღარიბს მდიდარი!

ჩვენთვის გალობით მიწიდან ცამდე
ასვლაა ძნელი, მოსვლას როს ვნანობთ,
ღმერთსაც მოსწყინდა ეკლიან გზაზე
ფორთხვა და, ახლა ჩვენსავით დარდობს!

ვინ აღუდგება სამსჯავროს ნებას?
მით ვიბადებით სულით შიშველნი,
რომ დაგვასველოს საერთო ზეცამ,
მაგრამ სადაო, გვქონდეს მიწები!




ტექსტის სანახავად გაიარეთ რეგისტრაცია.