ნანა სელეპანოვა - მენატრები

 (ხმები: 2)


გაწეწილი თმები მიყვარს მე ზაფხულის ხვატში,
მზე ჰორიზონტს ასხლეტილი შავ ბობოქარ ზღვაში,
წითელ კაბის შარიშურით ავარდნილი ბუღი,
შენს მზერაში დაჭერილი აღტაცების წუთი.

ნეტავ, ისევ ერთად ვიყოთ, შენს გულმკერდზე ვიწვე,
მერე, თუგინდ სულაც დამწვას მე ზაფხულის სიცხემ,
ახლა, ისე მენატრება, აღარ მეწვის როცა,
შენი ბაგით დაკოცნილი დაბრაწული ლოყა.

ჩვენ ერთმანეთს განშორებით, სიზმარეთშიც ავცდით,
უშენობით სიყვარული დღეს ბრმასავით დაჰქრის,
წახვედი და, საკოცნელი მე ტუჩები დამრჩა
და თვალებში არეკლილი მოლოდინის განცდა.




ტექსტის სანახავად გაიარეთ რეგისტრაცია.