ნანა სელეპანოვა - გვირილებში

 (ხმები: 8)


ლოდინად ქცეული ცრემლები
გულმკერდზე ლოდივით გიყრია,
უფერულ დღეებს არ ნებდები,
წლები კი, მიჰქრიან, მიჰქრიან.

ცხოვრების სცენაზე ასული
თამაშობ, თამაშიც ნიჭია,
დღენი კი, თამაშით გართულნი,
მიჰქრიან, მიჰქრიან, მიჰქრიან.

ვიღაც თუ, ჩაგიწნავს გვირილებს
თმებში, ხომ ეგ გულიც მისია,
დაჯდებით და ერთად იცინებთ,
წლები რომ მიჰქრიან, მიჰქრიან.

..და შესცქერ შენც მიზანსცენიდან,
გვირილებს, რომ აღარ გიწვდიან,
ტირილით გარბიხარ სცენიდან,
წლები კი, მიჰქრიან, მიჰქრიან.




ტექსტის სანახავად გაიარეთ რეგისტრაცია.