ნანა სელეპანოვა - მე რომ ქალი ვარ

 (ხმები: 2)


მე რომ ქალი ვარ, ეს მან არ იცის,
მან, ვისაც ჩემი წვალება უყვარს,
თუ ვენატრები ან თუ განიცდის,
როცა ღიმილით მიყურებს მწუხარს.

მე რომ ქალი ვარ, ვით მივახვედრო,
მე, ვისაც მისგან ფერება მინდა,
ვინ იცის, იქნებ, მიტომ თავნებობს,
რადგან მე მისი ღიმილი მიყვარს.

მე რომ ქალი ვარ, ეს მას არ ესმის,
რით დავარწმუნო, არ მყოფნის ძალა,
მე ის ქალი ვარ, ვინც მუდამ გდევნის,
ვის შენი ტრფობა აკვნიდან დაჰყვა.

მე რომ ქალი ვარ, ეს ვინ არ იცის,
გულში დამალულ სიყვარულს ვმალავ,
შენ რომ არ მითხრა, მეც კარგად ვიცი,
საკინძე უნდა შევიხსნა ნაზად.




ტექსტის სანახავად გაიარეთ რეგისტრაცია.