პატარა გოგო

 (ხმები: 2)


ნაზი სიტყვები ენის წვერს შხამად,
შენი ღიმილი სამოთხეს ავა,
მიდიხარ მიგაქვს ნაცრისფერ გზაში
გიშრის მტევნები მაგ ხვეულ თმაში,

ოხ ნეტა შუბლზე ნიავად მომხვდე,
უძილო თვალებს, წამწამად მომწყდე ,
ცაში კაშკაშა ვარსკვლავად მოხვდე
და შენს სარეცელს არასდროს მოსწყდე,

ცივი თითები ზამთარს სჩიოდნენ,
ხელზე პაწია თითები გერთვის
და რომ ვუყურებ მე ამ სიცოცხლეს,
მაშინ უფრო მწამს მაღალი ღმერთის

და გაბუტული თავს რომ დაჰხრიდი,
პატარა დათვი, მარჯვენა ხელში,
ოხ უმალ ცრემლებს მიწას დაჰყრიდი
რამდენიც ალბათ ზღვაშია წვეთი,

ხანდახან ცაზე ჩიტი მგონიხარ,
გული ქანაობს, ცეცხლის ჰამაკში
და დღესაც მახსოვს როგორ მოდიხარ
ლოყაწითელი შუა ზამთარში,

საფლავთან ვდგავარ უცხო ნადირად
ბავშვივთ ვჩივი სახე მაქვს მორცხვი,
და შენი თბილი ლოყის მაგივრად
ცივ მარმარილოს ლოყებზე გკოცნი,

ნაზი სიტყვები ენის წვერს შხამად,
შენი სიცილი სამოთხეს წავა,
არ დაგიცვივდეს სამოთხის გზაში,
გიშრის მტევნები ხუჭუჭა თმაში.




ტექსტის სანახავად გაიარეთ რეგისტრაცია.