უკვე გვიანია ჩემი სიყვარული

 (ხმები: 30)


უკვე გვიანია ჩემი სიყვარული,
ფუჭი მოლოდინი, დროა შევაჩერო.
ალბათ ლაბირინთებს ვეღარ მოვერევი,
და სვლა ბილიკებით უნდა გავაგრძელო.
გრძნობებს მოვერიე თუმცა არ მინდოდა,
როგორ არ მინდოდა მოკვლა ოცნებების.
უკვე გვიანია ყველა ახირება,
ყველა ის სიტყვები ადრე რომ მოგეცი.
ბავშვი აღარა ვარ უკვე რა ხანია,
ახლა ჩემს სიყვარულს არ აქვს ოფოფები.
უკვე გვიანია ალბათ ეს ცრემლებიც,
გული ვეღარ ტირის ძველი მონდომებით.
იცი რა მაწუხებს?! ალბათ ის ტკივილი,
სულს რომ მიწვავდა და მერე მაშინებდა.
ახლა აღარ მტკივა ფიქრი სიყვარულზე,
და ეს გულცივობა სულში გამიბევრდა.
უკვე გვიანია ჩემი სიყვარული,
ვიცი ამის თქმასაც ვეღარ გაგიბედავ.
თუმცა დრო გავა და თავად მიმიხვდები,
წლებმა როგორ იცის გულის გაციება.

მაკა.თ.




ტექსტის სანახავად გაიარეთ რეგისტრაცია.