ქეთი ალასანია - გთხოვ, რომ გაიღიმო, მაშინ როცა გტკივა » Literatura.Mcvane.Ge



ქეთი ალასანია - გთხოვ, რომ გაიღიმო, მაშინ როცა გტკივა

 (ხმები: 3)


გთხოვ, რომ გაიღიმო, მაშინ როცა გტკივა,
როცა დარდი გახრჩობს, სული გეხუთება,
უკვე წაქცეულს რომ ზურგზე ფეხს გადგავენ,
ცრემლით სავსე გული თვალს რომ მოადგება,
როცა გგონია, რომ ყველამ მიგატოვა,
მზერა უიმედო ნისლში იკარგება,
მინდა, სწორედ მაშინ, თავი შეიყვარო
და ამ სიყვარულით სცადო გაღიმება,
სიცარიელისთვის, გთხოვ, ნუ გაიმეტებ
შენი მომავლის წამს, ის ხომ წარსულს რჩება,
ვრცელი ისტორია, შენით რასაც შექმნი,
რასაც მოისურვებ, იმით შეივსება,
თვალი გაახილე,რაც კი გინატრია,
მაშინ დაინახავ გზად რომ გელოდება
და თუ გაიღიმებ, მაშინ ყველაფერი
ბედნიერი სუნთქვით მართლა შეიცვლება...

/ქეთი ალასანია/

15.09.14.





ტექსტის სანახავად გაიარეთ რეგისტრაცია.