თვალებში ჩამხედე ... სათქმელი ბევრია

 (ხმები: 4)


თვალებში ჩამხედე... სათქმელი ბევრია,
უთქმელი სიტყვები მარწუხებს მიჭერენ,
ბავშობა ისეთი ლაჟვარდი ფერია,
ნეტაი ცხოვრებას თავიდან ვიწყებდე...
მომხვიე ხელები... ძვლებამდე ნაჯაფი,
მზესავით ვიღვრები გახსნილი მკერდიდან...
ბავშობა?.. ისეთი სუნი აქვს ბალახის...
ნეტაი არასდროს გამეშვა ხელიდან...
სიცოცხლე მწვერვალებს ამშვენებს სხივით და
ღამეებს დღეები მისდევენ მარშებით...
შეხედე... განცდებში აღარ ვგრძნობ ტკივილს და
დავდივარ ცასავით კამკამა თვალებით...
მიყვარს და ოცნება იწყება სისხლიდან,
უთქმელი სიტყვები სიჩუმეს მივსებენ...
მეტაი ბავშობას ვიწყებდე თავიდან,
ნატაი ყველაფერს თავიდან ვიწყებდე...
თვალებში ჩამხედე... მე მზე ვარ შენ მიწა...
სამყარო ქურდულად გვისხლტება კალთიდან...
სიცოცხლე? წამია ეს ჩვენი სიცოცხლე,
და მაინც ოდესმე დასრულდეს არ მინდა...
გავცქერი ლაჟვარდებს მუზების სკივრიდან,
და ვხარობ ბალღივით მწვერვალზე გავლისას...
ცხოვრება? ისეთი მცირე სჩანს სივრციდან,
რომ ასე უბრალოდ დასრულდეს არ მინდა...



Loading...

ტექსტის სანახავად გაიარეთ რეგისტრაცია.