გულს ნუ გაიტეხ, როცა გზა არ სჩანს

 (ხმები: 6)


გულს ნუ გაიტეხ, როცა გზა არ სჩანს,
სულში უდროოდ რომ გიღამდება,
გული რომ გტკივა, ცრემლი რომ გახრჩობს,
როცა იმედი არ გიმართლდება,
გრძნობ, გული ნელა რომ გიმძიმდება
და თითქოს გიჭირს მისი ტარება,
გინდა მკერდიდან ამოიგლიჯო,
გსურს მიატოვო, თან გენანება,
რაღაც საშინელს, გრძნობ სიმარტოვეს
და მოლოდინი შენში სახლდება,
როცა ნატრულ გულს ვერსად პოულობ,
როცა არ იცი რა გემართება,
მაშინ შეაღე სულის სარკმელი,
უნდა შეიგრძნო მზის ნეტარება,
ცრემლს თუ შეიშრობ და გაიღიმებ,
ბედნიერება შენი გახდება,
დაიჯერე, რომ ერთადერთი ხარ,
ვისთვისაც მზეც კი დაიბადება,
იწამე, ის რომ, ვერავინ შეგცვლის,
რომ შენ გეკუთვნის ზეცის ხატება,
გახსოვდეს, ბოლოს, ყველა ტკივილი
და ყველა ცრემლი სადღაც გაქრება,
მოღრუბლულმა ცამ, ნუ დაივიწყებ,
ყოველთვის იცის გამოდარება..



Loading...

ტექსტის სანახავად გაიარეთ რეგისტრაცია.