საიდან გადამეყარე

 (ხმები: 2)


საიდან გადამეყარე,
ქალავ, გაშლილო ვარდადა,
თავი ძლიერი მეგონა,
შემომჩენიხარ დარდადა.
ქალაქელი არ გეგონო,
გოგოვ, გავზრდილვარ მთასაო,
არ დაგეხსნები სანამდე
არ შეგაყვარებ თავსაო,
ნუ მტანჯავ, ნუ მემალები,
გული ნუ დამიავადე,
ბევრს არ დაგიცდი იცოდე,
აღარცა გკითხავ არაფერს,
ჩამოგიქროლებ ქორივით
ჩემთან წაგიყვან მთაშია,
გაჩვენებ სილამაზესა
არაგვის ხეობაშია.
ქვეშაგად მდელოს გაგიშლი,
ზეცას დაგხურავ საბნადა,
ისეთ სიყვარულს გასწავლი
არ გაგეგონოს არსადა.
ოღონდ ნუ დამემალები
სულ ერთხელ მითხარ "მიყვარხარ",
სხვა ქალას აღარც შავხედავ,
მაგ ლამაზ თვალებს ვფიცავარ
ჩამსახლებიხარ გულშია,
მინდა გიკოცნო თვალები,
იცოდე ჩემზე ძლიერად
არავის არ ეყვარები.
ცხრა თვეში სამნი გავხდებით,
ბალღს ჩავაგორებთ აკვანსა,
ბედნიერებით ვხარობდეთ,
ვმადლობდეთ ცმერთსა მაღალსა.
არასდროს გადარდიანებ,
თმაშიც ჩაგიწნავ გვირილებს,
თუ მაინც გამებუტები,
სულ კოცნით შემოგირიგებ.



Loading...

ტექსტის სანახავად გაიარეთ რეგისტრაცია.