იყო დრო შენი სუნთქვა მებარა



იყო დრო შენი სუნთქვა მებარა,
ახლა მარტოდენ სიზმრად გნახულობ,
აპრილი წელსაც გამოგვეპარა,
ამ წელსაც დავრჩი უგაზაფხულოდ,

მორჩა გაყალბდა სიცილი ვერცხლის,
ჩვენს შორის წლები ატყდა ლელებად,
ჩვენ ახლა უკვე ვერაფერს შევცვლით,
ჩვენ არაფერი არ გვეშველება,

რა უცებ მოდგა ჩვენსკენ ნაპირი,
ცა სუფთა როგორც ობოლის თეფში,
შენც გამორჩები როგორმე აპრილს
და ეს წვიმები ჭკუიდან შეგშლის ...



Loading...

ტექსტის სანახავად გაიარეთ რეგისტრაცია.