მარტოობის დედოფალო

 (ხმები: 10)


მარტოობის დედოფალო,
სევდა რად მოგრევია,
თვალში ცრემლი გიკიაფობს
დარდი შემოგჩვევია.
გარეთ გამო, გაზაფხულდა,
გული გაიმაისე,
ნუშის თეთრი ფარჩის კაბით
თვალი გაიხალისე.
გულის კარი გამოაღე,
ჩემო გულის ფერია,
შენს წამწამებს ნამის წვეთი
კიდევ შემორჩენია.
მერე რა რომ, მაგ შავ თმებში,
თეთრი ძაფი კიაფობს,
შენი მწველი გამოხედვა
გულის ტალღას მიაპობს.
მარტოობის დედოფალო,
ჩემს ამბორზე ნუ ბრაზობ,
შემომხედე გენაცვალე
ჩემ სიყვარულს გთავაზობ



Loading...

ტექსტის სანახავად გაიარეთ რეგისტრაცია.