ქალს როცა უყვარს

 (ხმები: 1)


უსიყვარულო დღეების გავლით
ლამაზ ნაპირთან ვერ მივა ქალი.

ქალს როცა უყვარს და როცა ელის
მისია მაშინ ქვეყანა ვრცელი
და განსაცდელის ჟამმა თუ დაჰკრა
მოკვდება შენკენ გამოწვდილ ხელით.

უსიყვარულოდ ცოდვაა ქალი
როგორც ეკლესია გარეშე ზარის.

ქალს როცა უყვარს სივრციდან მისთვის
მზის და ვარსკვლავების გალობა ისმის
და უკვდავების წყალსაც მოიტანს
შენთვის და შენი ათასი ძმისთვის.

ქალია გზების ბედნიერება
ქალია სითბო დღეის და ხვალის
ქალს როცა უყვარს ამქვეყნად ყველა
დღესასწაულზე მეტია ქალი.



ვაჟა ხორნაული



Loading...

ტექსტის სანახავად გაიარეთ რეგისტრაცია.