ჩემს ქალაქში ...

 (ხმები: 1)


ჩემს ქალაქში უძილობა სუფევს,
თუკი გინდათ გადმოაგდეთ ღუზა,
ჩემს გულში კი ძინავს ყველა უჯრედს,
ამიტომაც არ მეწვია მუზა.
ჩემს ქალაქში ყველა ერთი ფენის,
ერთი სტილის, ერთი ზნის და რჯულის,
და ჩემს ქალაქს რომ ხატავდა ღმერთი,
წამიერად გადაუტყდა ფუნჯი.
ჩემს ქალაქში სიო აღარ დაჰქრის
ქარიშხალი სწორედ ხალხში ბუდობს,
აქ არაფერს აღარა აქვს ფასი,
ენდობი და დაგარქმევენ უნდობს.
ჩემს ქალაქში ნაცნობია ყველა,
ყველა გიცნობს, ყველას თვალში ხვდები,
დაგინახეს თუკი უკვე ბნელა,
მეორე დღეს გაგჭორავენ სხვები.
ჩემს ქალაქში უნდა იყო ფრთხილად,
ვერ გაიგებ გულში ვის რა უდევს,
ხმადაბლა თქვი თუკი რამე გინდა,
თორემ უცებ მოაბავენ კუდებს.
ჩემს ქალაქში თუკი არის ბუდე,
იქაც ალბათ ბოროტი ბუ ბუდობს,
თუკი ადრე იპარავდნენ ფულებს,
ახლა უკვე ყველა გულზე ქურდობს.
ჩემს ქალაქში ალბათ იტყვის ბევრი,
შეხედეო,მიბაძაო ნიკოს,
მეგობრებო, ნუ იქნებით მტრები,
მოისმინეთ, არ წაგართმევთ დიდ დროს.
ჩემს ქალაქში უძილობა სუფევს,
თუკი გინდათ გადმოაგდეთ ღუზა,
ჩემს გულში კი ძინავს ყველა უჯრედს,
ამიტომაც არ მეწვია მუზა



Loading...

ტექსტის სანახავად გაიარეთ რეგისტრაცია.