მაპატიე

 (ხმები: 6)


მაპატიე, თუკი ისევ შეგაწუხე

ძილში თუკი დაიძახე დედა,

ჩემს ირგვლივ ხომ ყველაფერი ნათელია

ამ ნათელში მე სიბნელეს ვხედავ.

მაპატიე დედი თუკი ვერ შევძელი

გავუმკლავდე ამ ცხოვრების ქარბუქს

მაპატიე თუკი ცრემლად დავიღვარე

დამიჯერე მე ტირილი არ მსურს.

მაპატიე დედი თუკი ვერ გავძელი

უშენობით გადაღლილა სული,

მენატრები დედი მუდამ მენატრები

ახლა ვიგრძენ სიმარტოვე სრული.

გულში სევდა ჩამისახლდა ცივი

გამათბობდა ახლა შენი სხივი.

როგორ ვნანობ 6 იანვარს დედა

ეს რა მწარე შობა გამითენდა...

მეზიზღება დაწყევლილი ის დღე

და ბრალდებულს ვეძებ ყველა სულში,

მაპატიე ცივი რომ ვარ დედა

აღარ დამრჩა თბილი გრძნობა გულში.

მოგონებებს ვერ ვივიწყებ რა ვქნა..

მახსენდება მე ცხედარი ცივი,

გაყინული ხომ იყავი დედა?!

მაგრამ ჩემთვის სულ იყავი თბილი.

რაც დრო გადის მენატრები ძლიერ

რაც დრო გადის უშენობა მზარავს,

გაწამებულ ჩემი სულის ფიქრებს

მხოლოდ ყალბი გაღიმება ფარავს.



Loading...

ტექსტის სანახავად გაიარეთ რეგისტრაცია.