მე ვიცი შენი თვალების ფერი

მე ვიცი შენი თვალების ფერი,

და იქ ზეცის და ზღვის ლაჟვარდს ვხედავ,

შენ იცი ჩემი თვალების ფსკერი,

და მაინც ტბაში შემოსვლას ბედავ..

შენ იცი,როგორ გამანებივრო,

თავს ვგრძნობდე მუდამ ჭირვეულ ქალად,

მე ვიცი,როგორ გაეჭვიანო,

ვაფერებინებ ნიავს და ბალახს.

შენ იცი,სიტყვა როგორ დათესო,

ჩემს გონებაში,ოცნების თესლად..

მე ვიცი,როგორ აღმოვაცენო

შენი მარცვალი,რითმად და ლექსად....

არ მინდა ცოდნა,სხვა არაფერის,

ნუ მოხვალ თუნდაც ნურასდროს ჩემთან...

მე ვიცი შენი თვალების ფერი,

შენ იცი ჩემი თვალების სევდა...

ნ. ალადაშვილი.