არასოდეს მიმატოვო წყვდიადში

 (ხმები: 2)


არასოდეს მიმატოვო წყვდიადში
arasodes mimatovo wyvdiadshi

როცა ცაზე ცეცხლის ალი გაჩნდება,

ჭრილობიდან რომ წამოვა სისხლი,

ცივ საფლავთან თეთრი მგელი მოკვდება,

ჩემს ფიქრებში გამოკრთება შიში.

ქვის ანგელოზს დაემსხვრევა სხეული,

შავ ღრუბლებში გაბრწყინდება მთვარე,

ქარბუქს კივილს თან გაატანს აჩრდილი

და სიზმრებში მე კვლავ ვნახავ ღამეს.

გამხმარ ხეებს რომ დასცვივათ ფოთლები,

როცა მზის შუქს დააბნელებს სევდა,

სადღაც შორს გამოიღვიძებს ალქაჯი

და მის ტუჩებს კვლავ მოსწყდება წყევლა.

როცა ცრემლებს თან მოჰყვება სიკვდილი,

როცა იგრძნობ - დარჩა მხოლოდ წამი,

ვეღარაფრით შეაჩერებ სიცოცხლეს

და მიწაზე დაიღვრება შხამი.

როცა ნისლში რწმენა დაიკარგება,

შავ ვარდს რომ გაუხუნდება ფერი,

ყინულისფერ თვალებს ჩუმად დახუჭავს

დედოფალი გლოვისა და სევდის.

როცა იგრძნობ, რომ მე ძალა მეცლება

და მომაკვდავს მეკიდება რული,

არასოდეს მიმატოვო წყვდიადში,

სანამ ფეთქავს ჩემი ცივი გული...




ტექსტის სანახავად გაიარეთ რეგისტრაცია.