მაპატიე რომ აგატირე



მაპატიე რომ აგატირე

(mapatie rom agatire)


შორიდან ისევ მომაგონდება
წარსულ ნაკვალევს როცა გავყურებ
მე არ მჭირდება მზის შეგონება
სიყვარულის ხმას ყურს რომ დავუგდებ.

დღეიდან ფიქრნი ჩემს გულს იტაცებს
წაიღებს სადღაც და გამაბრუებს,
და შენთან ყოფნის მოგონებები
მე წარსულ დროში კვლავ დამაბრუნებს.

ცხოვრება მიდის გზა მეკარგება
მიმავალს მხვდება ქარტეხილები
თავთან ჭიდილში ვმოძრაობ უქმად
უშენოდ ალბათ ცუდად გავხდები.

დრო უფერული მე არ დამინდობს
ვიცი მე შენთან არ ვარ თამამი
ეს შეცდომაა ჩემთვის მიყვარდე
რადგან გრძნობაა არამართალი.

მე შენში მომწონს მხოლოდ ალერსი
შენი ხელების ნაზი შეხება
მე სიყვარული არ შემიძლია
გაგიჭირდება ამის მიხვედრა.

მე ქვა ვარ თუმცა ისევ მჭირდები
მეტი არსებით ვერ განმიცდია
მე უსაშველოდ გრძნობის ნამქერში
ჩავიკარგები მძიმე ფიქრებად.

მე შეკითხვა მაქვს შენთან ათასი
მინდა მიყვარდე როგორც მინდიხარ,
მაგრამ ვერ მიგებ მხოლოდ ჯერდები
რომ უსასრულო ჩემთვის ფიქრი ხარ.

და მე ვიცი რომ შენც გეფიქრება
ვიცი რომ შენ ერთს მართლა გიყვარვარ,
არ შემიძლია იგივე გრძნობით
მეც გიპასუხო შენს თავს ვფიცავარ.

დღეს გავაწბილე ჩვენი სიტყვები
ხვალისთვის მე შენ აღარ გპირდები
მე სულ გავქრები როგორც ფიფქები
გულს აგიჩუყებს ჩემი რითმები.

და ეს ცხოვრებაც ერთი წამია
სულს აათრთოლებს მოგონებები
არ ვიცი რატომ აღარ მიყვარხარ
შენს სახელს ვყვირი ღამე ბოდვებში.

ლოთის რითმებით კვლავ დავბოლდები
მომელანდება შენი ფორმები
მე მაინც ისევ არ მავიწყდება
მუსიკა ჩვენ და მდარე ნოტები.

სხვა გზა არ მაქვს და მივექანები
არვინ არ იცის თუ სად მოვხვდები
ჩემთვის ილოცე და შემიბრალე
გთხოვ მაპატიე ყველა ცოდვები.



Loading...

ტექსტის სანახავად გაიარეთ რეგისტრაცია.