ახალი გოგო, ახალი განცდა..



ახალი გოგო, ახალი განცდა..

(axali gogo, axali gancda)

მე მეძალება ძველი რითმები
ძველი სიტყვები აღარ მჭირდება
მე სითბოს ახლა სხვასთან დავეძებ
ამით მთავრდება რაღაც იცვლება.

არ მინდა ვიყო გამოკეტილი
დამპალ სტანდარტებს დავუთმო თავი
არც შენ მჭირდები შენი აზრებით
მე აღვივსები სულ სხვა განცდებით.

მე რომანტიზმი სულით მაცოცხლებს
და მე დავეძებ ოცნების ერთ ქალს
მე აღმოვაჩენ სადაც იქნება
მაშინ ვიპოვი რეალურ ჩემს თავს.

არა არ გჯერა რომ შევიცვალე
რომ ფრთებს შევასხავ ყველა ოცნებას
მიზნისკენ სწრაფვა ჩემი ნირია
და მე მჩვევია ქარივით ქროლვა.

მე აღარ მიკვირს რატომ დუმდები,
რად შეეჩვიე უაზროდ ბრძოლას
სევდაშერეულ გულს რად იწვალებ
მოდი მოეშვი როგორმე გლოვას.

მე დანანებით არ გაგიხსენებ
და ეს რითმებიც უაზრო ბოდვა.
დამტვერილ ნიავს ცაში გავატან
ყველა ნაფიქრალს ღრუბლად რაც მოვა.



Loading...

ტექსტის სანახავად გაიარეთ რეგისტრაცია.