მინდა ჩემს გვერდით იყო მუდამ

 (ხმები: 0)


მინდა ჩემს გვერდით იყო მუდამ

(minda chems gverdit iyo mudam)


ჩემს მკლავზე ჩუმად ჩაგძინებია, ალერსით დაღლილს

და შენს სხეულზე დაცურავენ თითები ჩემი,

შენი ტუჩები, ჩემს კოცნას ალბად ვერასდროს დაღლის

და გაგაღვიძებ, მძინარეს, ჩემი ფანტაზიებით.



მინდა ჩემს გვერდით იყო მუდამ, დღისით თუ ღამე

და ლამაზ სხეულს დაგიკოცნი, გიკოცნი თვალებს.

რა უსასრულოდ გავაგრძელებ მე შენს ფერებას

და გაგრძნობინებ მე ჩემს სიყვარულს, ბედნიერებას.



გპირდები რომ სულ ერთად ვიქნებით და მეყვარები,

შემომხედე და ყველაფერს გეტყვის ჩემი თვალები,

დასაწყისია ეს ჩვენი წმინდა სიყვარულისა,

ნუთუ არ გესმის, გოდება ჩემი თბილი გულისა.


მთელი ცხოვრება მეყოლები მუდამ ალერსში,

მე შვებას ვეძებ, შენს საყვარელ ლამაზ თვალებში,

ვგრძნობ როგორ სუნთქავს შენი მკერდი, შენი სხეული,

ხელს ვერ შეგვიშლის ჩვენ ეს სიშორე, ეს გზა წყეული.


ჩემს მკლავზე ტკბილად ჩაგძინებია ალერსით დაღლილს,

გკოცნი მძინარს, კოცნა ჩემს ტუჩებს ვერასდროს დაღლის,

ჩავიკარგები შენს სხეულში, ციებ-ცხელებით

და გაგაღვიძებ, მძინარეს ჩემი ფანტაზიებით.


ღმერთო აქციე ეს სიყვარული ვით ათი მცნება,

ნუ ჩაბარდება დროს როგორც მხოლოდ ტკბილი ოცნება,

დრო გავა და ჩვენს სიყვარულზე მითებს იტყვიან,

გავქრებით მაშინ, ცაზე ვარსკვლავებს რომ დაითვლიან




ტექსტის სანახავად გაიარეთ რეგისტრაცია.