ჰორსბოლი - სპორტული თამაში

 (ხმები: 0)


horsboli sportuli tamashi icit tu ara rom saintereso ambebi faqtebi ucnauri ambebi gamogoneba ginesis rekordebi
ჰორსბოლი (ინგლ. HORSEBALL - HORSE-ცხენი, BALL-ბურთი). სპორტული თამაში, ცხენოსნობის, რაგბისა და კალათბურთის ერთგვარი ნაზავი. ასპარეზობს ორი 4-4-კაციანი გუნდი. მოთამაშეთა მიზანია ბურთის მოთავსება მიწის დონიდან 3,5 მეტრის სიმაღლეზე ძელზე ვერტიკალურად დამაგრებულ 1 მ დიამეტრის მქონე კალათში. ბურთს შემოვლებული აქვს ტყავის ექვსი ღვედი, რაც მხედარს საშუალებას აძლევს, იგი ხელში აიღოს და ატაროს. ბურთის გარშემოწერილობაა 65 სმ (60 სმ _ ახალგაზრდებისთვის, 47 _ იუნიორებისთვის), წონა _ 600-700 გ (500-600 გ _ ახალგაზრდებისთვის, 400-500 _ იუნიორებისთვის). მიაგავს ფეხბურთის ბურთს. მოედნის სიგრძეა 60-75 მ, სიგანე _ 25-30 მ. ჰორსბოლის მოთამაშის უნაგირი სპეციალურადაა მოდიფიცირებული, რაც სპორტსმენს საშუალებას აძლევს, ჭენებისას წამოდგეს, წელში გასწორდეს და ბურთი ისე ტყორცნოს. მხედრები ცხენებს მთელი ძალით მიაჭენებენ და ამიტომ ძალიან დინამიკურია. მოთამაშეს კალათში ბურთის ტყორცნის უფლება აქვს მხოლოდ და მხოლოდ თანაგუნდელებთან სულ მცირე მისი სამჯერ გათამაშების შემდეგ. ნებადართულია მეტოქეთა ძალისმიერი კონტაქტი ბურთის წართმევის მომენტში, ოღონდ მხედარს მეტისმეტად წინ გადახრის უფლება არა აქვს (კუთხე 45 გრადუსს არ უნდა აღემატებოდეს), რათა თავიდან იქნეს აცილებული მძიმე ტრავმები და მოწინააღმდეგის ცხენიდან გადმოვარდნა. ჰორსბოლი წარმოიშვა საფრანგეთში 1979 წელს, როდესაც ძმებმა დიუპონებმა საფრანგეთის ცხენოსნობის ასოციაციაციის (FEF) ხელშეწყობით თამაშის წესები ჩამოაყალიბეს. როგორც სპორტის დამოუკიდებელი სახეობა, ოფიციალურად ცნო ცხენოსნობის საერთაშორისო ფედერაციამ (IEF). 1992 წელს შეიქმნა ჰორსბოლის საერთაშორისო ფედერაცია (FIHB). 1992 წლიდან ყოველწლიურად იმართება ევროპის ჩემპიონატი კაცებს შორის, 2003 წლიდან კი _ ქალებს შორისაც. უძლიერესი ნაკრები გუნდები ჰყავთ საფრანგეთს, პორტუგალიასა და დიდ ბრიტანეთს. ჰორსბოლს ბევრი აქვს საერთო პატოსთან _ არგენტინულ ეროვნულ სპორტულ თამაშთან.



Loading...

ტექსტის სანახავად გაიარეთ რეგისტრაცია.