ამფიბიები - Amfibiebi

 (ხმები: 38)


smile
ოთხი კვირის მანძილზე მამრი მეანი გომბეშო აქეთ–იქით დახტის და თან უკანა ფეხებს ირგვლივ შემოხლართულ ყვითელი კვერცხების გროვას დაატარებს. გომბეშო კვერცხებს ხშირად ასველებს გუბეებში, რათა გამოშრობისგან დაიცვას. როგორც კი კვერცხები გამოჩეკისთვის მომწიფდება, გომებშოს გუბესთან მიაქვს და თავკომბალებიც წყალში შეცურდებიან. სხვა ამფიბიების მსგავსად, მეანი გომბეშოებიც, ძალიან მზრუნველი მშობლები არიან, რომლებიც ხმელეთზე დასახლდნენ და რომლებსაც ნამდვილი ფეხები, ენა, ყურები და სახმო კოლოფი განუვითარდათ. ამფიბიების უმრავლესობა ‘‘ორმაგ ცხოვრებას’’ ეწევა – ცხოვრების ნაწილს ხმელეთზე ატარებს, ნაწილს კი – წყალში.
ბაყაყის სიცოცხლის ციკლი სამი ეტაპისგან შედგება – კვერცხი, თავკომბალა, ზრდასრული ბაყაყი.
1–დღის ბაყაყის რბილი კვერცხები დაცულია ჟელესმაგვარი საფარით.
10–დღის კვერცხებიდან იჩეკებიან თავკომბალები, რომლებსაც კუდი აქვთ, ფეხები კი –არა. ისინი ლაყუჩებით სუნთქავენ.
7–13 კვირის თავკომბალა ზრდასთან ერთად კარგავს ლაყუჩებს და მას ფილტვები და ფეხები უვითარდება.
17–კვირის ბაყაყი კარგავს კუდს და წყალს ტოვებს.
smile
ამფიბიების თავისებურებანი
ამფიბიებს, როგორც წესი, ქერცლი არა აქვთ და მათი კანი თხელი, ელასტიური და ნოტიოა. ჩვეულებრივ, ისინი ნესტიან ადგილებში ცხოვრობენ. ამფიბიების მხოლოდ რამდენიმე წარმომადგენელი შობს ნაშიერს ცოცხლად, დანარჩენები წყვილდებიან და კვერცხებს წყალში დებენ. კვერცხებიდან თავკომბალები იჩეკებიან, რომლებიც ძალიან განსხვავდებიან ზრდასრულებისგან. სანამ თავკომბალები ზრდას დაასრულებენ, ისინი მთელ რიგ ცვლილებებს განიცდიან, ამას მეტამორფოზი ეწოდება.
smile
სამი ჯგუფი
ამფიბიების სამი ძირითადი ჯგუფი არსებობს. სალამანდრები და ტრიტონები ისეთი ნელა მოძრავი ცხოველებით იკვებებიან, როგორიცაა ლოკოკინები, ლოქორები და მატლები. ამფიბიების უმრავლესობა მცირე ტანისაა, თუმცა, გიგანტური სალამანდრების ზომა 1,6 მეტრსაც აღწევს. მეორე ჯგუფის წარმომანდგენლები ბაყაყები და გომბეშოებიც ხორცისმჭამელები არიან. მათ ფართო და განიერი პირი აქვთ, რათა შეძლონ ყველაფრის გადაყლაპვა, რასაც თავიანთი გრძელი, წებოვანი ენებით დაიჭერენ. მესამე ჯგუფის წარმომადგენლები, რომლებსაც ჭიამაგვარისებრი ეწოდებათ, მატლებს უფრო ჰგვანან, ვიდრე ამფიბიებს. ისინი ტროპიკული ტყეების ჭაობიან მიწებზე დაღოღავენ.
ხალებიანი სალამანდრას კაშკაშა ფერები მტაცებლებს მისი შხამიანი კანის შესახებ აფრთხილებს. შხამი იმდენად ძლიერია, რომ მცირე ზომის ძუძუმწოვრების მოკვლაც კი შეუძლია.



Loading...

ტექსტის სანახავად გაიარეთ რეგისტრაცია.