სხვიტორი (საქართველოს ისტორიული სოფლები)

sxvitori sofeli saqartvelos istoriuli soflebi saqartvelos geografia
სხვიტორი - სოფელი საჩხერის მუნიციპალიტეტში, (ჩიხის თემი). მდებარეობს ნაურცევის მთის სამხრეთ კალთაზე, მდინარე ჩიხურის (ყვირილის მარჯვენა შენაკადი) ნაპირებზე. ზღვის დონიდან 520 მეტრი, საჩხერიდან 3 კილომეტრი. 2002 წლის აღწერის მონაცემებით, სოფელში ცხოვრობს 914 კაცი. სოფელში არის საჯარო სკოლა სოფელში დაიბადა აკაკი წერეთელი. აქვეა მისი სახლ-მუზეუმი.


სოჩხეთი (საქართველოს ისტორიული სოფლები)

sochxeti sofeli saqartvelos istoriuli soflebi
სოჩხეთი — სოფელი საქართველოში, იმერეთის მხარის ტყიბულის მუნიციპალიტეტში, თემის ცენტრი (სოფლები: ძმუისი, წყნორი). მდებარეობს ნაქერალას ქედის სამხრეთ–დასავლეთ კალთაზე. ზღვის დონიდან 560 მეტრი, ტყიბულიდან 12 კილომეტრი. სოფელში დგას 1500 წლოვანი ხე და მოედინება მინერალური წყალი.
სოფელი დასახლებული იყო ანტიკურ ხანაში. წყაროებში პირველად მოიხსენიება XVIII საუკუნეში. სოფელში გადის შიდასახელმწიფოებრივი მნიშვნელობის გზა ტყიბული-ქუთაისი. სოფელში არის საჯარო სკოლა და საბავშვო ბაღი. 2002 წლის აღწერის მონაცემებით სოფელში ცხოვრობს 689 კაცი


სპეთი (საქართველოს ისტორიული სოფლები)

speti sofeli saqartvelos istoriuli soflebi
სპეთი - სოფელი საჩხერის მუნიციპალიტეტში (ჭალის თემი), მდებარეობს იმერეთის მაღლობზე, მდინარე ყვირილის მარცხენა ნაპირას. ზღვის დონიდან 800 მეტრი, საჩხერიდან 16 კილომეტრი. 2002 წლის აღწერის მონაცემებით, სოფელში ცხოვრობს 874 კაცი.
სოფლის ტერიტორიაზე დგას სპეთის ზედამაცხოვრის სახელით ცნობილი ეკლესია.


სომიწო (საქართველოს ისტორიული სოფლები)

somiwo sofeli saqartvelos istoriuli soflebi
სომიწო — სოფელი საქართველოში, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში, პიპილეთის თემში, მდებარეობს მდინარე ჯეჯორის ხეობაში. ზღვის დონიდან 760 მეტრზე, ქალაქ ონიდან დაშორებულია 3 კილომეტრით. 2002 წლის აღწერის მონაცემებით სოფელში ცხოვრობს 23 კაცი.


სამწევრისი (საქართველოს ისტორიული სოფლები)

samwverisi sofeli qarelshi saqartvelos istoriuli soflebi
სამწევრისი - სოფელი ქარელის მუნიციპალიტეტში (კეხიჯვრის ტერიტორიული ორგანო). მდებარეობს მდინარე მტკვრის მარჯვენა ნაპირზე. ზღვის დონიდან 640 მეტრი, ქარელიდან 4,5 კილომეტრი.

ისტორია

წყაროებში პირველად მოიხსენიება XIV საუკუნეში. სოფელში მიკვლეულია გვიანდელი ბრინჯაოს ხანის ნამოსახლარები. სოფლის მახლობლად აღმართულია ქართული ხუროთმოძღვრების პირველი აყვავების ხანის (IV-VII საუკუნეები) ძეგლი - სამწევრისის ტაძარი (VII საუკუნის I ნახევარი).


ამარგოსის უდაბნო (მექსიკის უდაბნოები)

amargosis udabno meqsikis udabnoebi amerikis udabnoebi chrdiloet amerika geografia geograpia
ამარგოსის უდაბნო — უდაბნო აშშ-ში, ნევადის შტატში, მდებარეობს კალიფორნიის შტატთან საზღვრის გასწვრივ. მისი ფართობი 6,734 კმ²-ია. გეოგრაფიულად მიიჩნევა ამარგოსის ველის ნაწილად.
უდაბნოს სახელი მომდინარეობს მდინარე ამარგოსადან, რაც ესპანურად მწარეს ნიშნავს. ეს კი იმითაა განპირობებული, რომ ამ მდინარსი წყალს მწარე გემო აქვს. უდაბნო ზღვის დონიდან 790 - 840 მეტრზე მდებარეობს.
უდაბნო მდებარეობს ფუნერალის მთებსა და სიკვდილის ველს შორის.


ქვემო კალიფორნიის უდაბნო (მექსიკის უდაბნოები)

qvemo kaliforniis udabno meqsikis udabnoebi amerikis udabnoebi chrdiloet amerika geografia geograpia
ქვემო კალიფორნიის უდაბნო — უდაბნო ეკორეგიონი მექსიკაში, კალიფორნიის ნახევარკუნძულზე. რეგიონი მოიცავს 77,700 კმ² ტერიტორიას. დასავლეთიდან მას ესაზღვრება წყნარი ოკეანე, აღმოსავლეთით - კალიფორნიის ნახევარკუნძულის მთათა სისტემა.
კლიმატი მშრალი სუბტროპიკულია. დაბალია ნალექების რაოდენობა, მიუხედავად ამისა წყნარი ოკეანის სიახლოვე მაინც განაპირობებს ტენს. ტემპერატურა ახლოს მდებარე სონორას უდაბნოს მსგავსია.
უდაბნოში გავრცელებულია სიმშრალის ამტანი ბუჩქები, სულ 500 სახეობის მცენარე.


აგატეს უდაბნო (აშშ-ის უდაბნოები)

agates udabno usa-s udabnoebi amerikis udabnoebi chrdiloet amerika geografia geograpia
აგატეს უდაბნო — პრერია (და არა ნამდვილი უდაბნო) აშშ-ში, ორეგონის შტატში, თეთრი ქალაქის შემოგარენში. უდაბნოს გარკვეულ ნაწილში, მდინარე როგის ველზე დაცულია ბალახით დაფარული მდელოები.
ამ ტერიტორიაზე მდებარე ტბორებში ბინადრობენ უიშვიათესი ლაყუჩფეხიანები. ტერიტორია ასევე წარმოადგენს ერთადერთ ამჯამად ცნობილ ადგილს დედამიწაზე, სადაც იზრდება საფრთხის ქვეშ მყოფი მცენარე Limnanthes floccosa


იუმას უდაბნო (აშშ-ის უდაბნოები)

iumas udabno usa-s udabnoebi amerikis udabnoebi chrdiloet amerika geografia geograpia
იუმას უდაბნო — უდაბნო აშშ-ის სამხრეთ-დასავლეთსა და მექსიკის ჩრდილო-დასავლეთ ნაწილში. წარმოადგენს სონორას უდაბნოს ნაწილს. უდაბნოში ძირითადად წარმოდგენილია ქვიშის დიუნები, აქა-იქ გვხვდება მცენარეულობა. ტერიტორია საკმაოდ მეჩხერადაა დასახლებული, უდიდესი ქალაქია იუმა, რომელიც გაშენებულია მდინარე კოლორადოზე, კალიფორნიის შტატის საზღვართან.


ესკალანტეს უდაბნო (აშშ-ის უდაბნოები)

eskalantes udabno usa-s udabnoebi amerikis udabnoebi chrdiloet amerika geografia geograpia
ესკალანტეს უდაბნო — უდაბნო ეკორეგიონი აშშ-ში, ნევადის შტატის სამხრეთ-დასავლეთში. მდებარეობს ქალაქ სედარის ჩრდილოეთით. ზღვის დონიდან 1.500 - 1.700 მეტრზე. უდაბნოს ფართობი შეადგენს 8 469 კმ²-ს.
ნალექების საშუალო წლიური მაჩვენებელი 330 მმ-ს შეადგენს.


დიდი მარილის ტბის უდაბნო (აშშ-ის უდაბნოები)

didi marilis tbis udabno usa-s udabnoebi amerikis udabnoebi chrdiloet amerika geografia geograpia
დიდი მარილის ტბის უდაბნო — ფართო, დამშრალი ტბა აშშ-ში, იუტას შტატში. მდებარეობს მდებარეობს დიდი მარილის ტბისა და ნევადის შტატის საზღვარზე. გამოირჩევა თეთრი ქვიშით. უდაბნოს კიდეებთან გადაჭვარედინებულია პატარა მთები. დასავლეთით, ნევადის საზღვართან მდებარეობს მწვერვალი პილოტის პიკი.
ზამთრის განმავლობაში, უდაბნო საკმაოდ ცივია. გავრცელებულია არსებულ ბუნებრივ პირობებს შეგუებული მცენარეები. ნალექების საშუალო წლიური მაჩვენებელი 200 მმ-ს შეადგენს.


ალვორდის უდაბნო (აშშ-ის უდაბნოები)

alvordis udabno usa-s udabnoebi amerikis udabnoebi chrdiloet amerika geografia geograpia
ალვორდის უდაბნო — უდაბნო აშშ-ში, ორეგონის შტატის სამხრეთ აღმოსავლეთ ნაწილში. მდებარეობს სთინსის მთების სამხრეთ-აღმოსავლეთით, ზღვის დონიდან 1,200 მეტრზე. მისი ფართობი შეადგენს 218 კმ²-ს. ნალექების საშუალო წლიური მაჩვენებელი შეადგენს 180 მმ-ს. უდაბნოს წყნარი ოკეანისგან გამოყოფს ორი მთათა სისტემა - სანაპირო ზოლის მთები და კასკადის მთები.
უდაბნოს სახელი ეწოდა გენერალ ბენჟამენ ალვორდის საპატივსაცემოდ, რომელიც აშშ-ის სამოქალაქო ომის დროს ორეგონის დეპარტამენტში მსახურობდა.
უდაბნოს შემოგარენში გავრცელებულია გარეული ცხენები.