არაფურის ზღვა - წყნარი ოკეანის ზღვები

არაფურის ზღვა მდებარეობს წყნარი ოკეანის დასავლეთით, ავსტრალიასა და ახალი გვენეას შორის.
ზღვას ესაზღვრება ტორესის სრუტე და მარჯნის ზღვა - აღმოსავლეთით, კარპენტარიის ყურე სამხრეთით, ტიმორის ზღვა - დასავლეთით, ბანდისა და სერამის ზღვები - ჩრდილო-დასავლეთით. მისი სიგრძე 1290 კმ-ია, ხოლო სიგანე - 560 მ. ზღვის სიღრმე ძირითადად 50-80 მეტრია და დასავლეთისკენ იზრდება


ადელაიდა (მდინარე) - ავსტრალიის მდინარეები

ადელაიდა (ინგლ. Adelaide River) — მდინარე ავსტრალიაში, ჩრდილოეთი ტერიტორიაზე. იწყება ლიჩფილდის ეროვნულ პარკში და ჩაედინება ტიმორის ზღვაში, დარვინდან 50 კილომეტრში. წარმოიქმნება ორი მდინარის შეერთებით. მდინარეზე მდებარეობს პატარა ქალაქი ადელაიდ-რივერი.
მდინარე აღმოაჩინეს ჯონ ლორტ სტოუქსმა და ლ.რ. ფიცმორისმა 1839 წელს, ჩრდილოეთ ტერიტორიის ნაპირების შესწავლის დროს.[1] მოგზაურებმა მას ეს სახელი დედოფალ ადელაიდა საქსენ-მეინინგენის პატივსაცემად დაარქვეს.


სირიის უდაბნო (მსოფლიო გეოგრაფია)

სირიის უდაბნო — სტეპებისა და ნამდვილი უდაბნოს კომბინაცია არაბეთის ნახევარკუნძულის ჩრდილოეთ ნაწილში. მისი ფართობი შეადგენს 200 000 კვადრატულ მილს.
სირიის უდაბნო გეოგრაფიულად არაბეთის უდაბნოს ნაწილია, მოიცავს თანამედროვე სირიის, ერაყის, იორდანიისა და საუდის არაბეთის ტერიტორიებს. დასავლეთით ესაზღვრება მდინარე ორონტესის ხეობა, აღმოსავლეთით კი მდინარე ევფრატი. ჩრდილოეთით, სირიის ტერიტორიაზე, უდაბნოს ენაცვლება სირიის ერთ–ერთი ყველაზე ნაყოფიერი მიწები. სამხრეთით გადადის არაბეთის ნახევარკუნძულის სხვა უდაბნოებში. სირიის უდაბნოში ბევრი ოაზისია, მათ შორის გამორჩეულია პალმირა. აღსანიშნავია, რომ სირიის დედაქალაქი დამასკოც სწორედ ამ ოაზისში მდებარეობს. უდაბნოში ბანიდრობენ სირიული ზაზუნები.
ისტორიულად, ეს ტერიტორია დასახლებული იყო ბედუინთა ტომებით, რომლებიც აქ დღემდე სახლობენ, ძირითადად ოაზისების მიმდებარე დასახლებებში.


მექსიკა (მსოფლიო გეოგრაფია)

მექსიკის გეოგრაფია – მექსიკა მდებარეობს ჩრდილოეთ ამერიკის სამხრეთ ნაწილში და მოიცავს ცენტრალური ამერიკის უდიდეს ნაწილს. მას ჩრდილოეთიდან ესაზღვრება აშშ (შტატები:კალიფორნია, არიზონა, ნიუ-მექსიკო, ტეხასი) ამერიკის შეერთებულ შტატებთან საზღვრის სიგრძე 3141 კმ-ია. ქალაქ სიუდად-ხუარესიდან აღმოსავლეთით მექსიკის ყურემდე აშშ-მექსიკის სახელმწიფო საზღვარი მიუყვება მდინარე რიო-გრანდეს.
სამხრეთით და დასავლეთით მექსიკას ესაზღვრება წყნარი ოკეანე, აღმოსავლეთით – მექსიკის ყურე და კარიბის ზღვა. სამხრეთ-აღმოსავლეთიდან მექსიკას ესაზღვრება გვატემალა (871 კმ.) და ბელიზი (251 კმ.).


გოლემ-გრადი - მაკედონიის კუნძული

გოლემ-გრადი (მაკედ. Голем Град; ცნობილია ასევე როგორც გველის კუნძული) — მომცრო კუნძული მაკედონიის რესუბლიკაში. კუნძულის ფართობი შეადგენს 18 ჰა-ს. გოლემ-გრადი მდებარეობს პრესპის ტბაში, საბერძნეთისა და ალბანეთის სახელმწიფო ტერიტორიებიდან რამდენიმე კილომეტრში. გოლემ-გრადი წარმოადგენს რამდინიმე უძველესი ნანგრევებისა და ეკლესიების კერას. კუნძული აგრეთვე ცხოველთა რამდენიმე საზოგადოების სახლია, განსაკუთრებით კი გველებისა. 2008 წლის აგვისტოში კუნძული გაიხსნა ტურისტებისთისაც.


ზედაზენი - მცხეთა-მთიანეთის მხარის მთები

ზედაზენი — მთა საგურამოს ქედზე. სიმაღლე 1178 მ. აგებულია მეოტურ-პონტური კონტინენტური კონგლომერატებით, ქვიშაქვებისა და თიხების შუაშრეებით. კალთები დამრეცია, მცირედ დანაწევრებული. შემოსილია ტყის ყომრალ ნიადაგებზე გავრცელებული რცხილა-წიფლისა და წიფლის ტყეებით.


ახუნი (ფშავი) - მცხეთა-მთიანეთის მხარის მთები

ახუნი — მთა ქართლის ქედის დასავლეთ განშტოებაზე, მდინარე შარახევის (ფშავის არაგვის შენაკადი) სათავესთან. სიმაღლე 2267 მ. კალთები შემოსილია ფოთლოვანი ტყით, ზემოთ სუბალპური მდელოა. მთის აღმოსავლეთით ამავე სახელწოდების უღელტეხილზე გადადის ბილიკი ფსავიდან (ჩარგლისწყლის ხეობიდან) ივრის ხეობაში.


ბილურთა - შიდა ქართლის მხარის მთები

ბილურთა — მთა ჯავის მუნიციპალიტეტში, ლიხის ქედზე. სიმაღლე 2171 მ. აგებულია შუაირული პორფირიტებით. სამხრეთი და აღმოსავლეთი კალთები ციცაბოა, დასავლეთი – დამრეცი. ქვედა კალთები შემოსილია წიფლნარით, მწვერვალზე – სუბალპური მდელოებია.


ჟენევა - შვეიცარიის ქალაქები

shveicariis qalaqebi sanqt galeni geografia qalaqebi qveynebi
ჟენევა (ფრანგ. Genève, გერმ. Genf, ლათ. Genava) — სიდიდით მესამე ქალაქი შვეიცარიაში, ჟენევის კანტონის ადმინისტრაციული ცენტრი, მდებარეობს ჟენევის ტბის სამხრეთ-დასავლეთ სანაპიროზე. მდინარე რონის ორივე ნაპირზე.



ნიონი - შვეიცარიის ქალაქები

shveicariis qalaqebi sanqt galeni geografia qalaqebi qveynebi
ნიონი (ფრანგ. Nyon) — მუნიციპალიტეტი შვეიცარიაში, ვოს კანტონში. მდებარეობს ჟენევის ცენტრიდან 25 კმ-ით ჩრდილო-აღმოსავლეთით, 1970-იანი წლებიდან კი მიეკუთვნება ჟენევის აგლომერაციას. გაშენებულია ჟენევის ტბის ნაპირებზე და წარმოადგენს ნიონის რაიონის ცენტრს. 2010 წლის მონაცემებით ქალაქის მოსახლეობა 18 728 ადამიანს შეადგენს. დანარჩენ შვეიცარიასთან დაკავშირებულია ავტომაგისტრალ A1-ით და რკინიგზით.
წყაროებში ნიონი პირველად 367-407 წლებში იხსენიება სახელით civitas Equestrium id est Noiodunus. 1236 წელს მოიხსენიებულია როგორც „ნევედუნი“, 1292 წელს კი „ნიონსი“


მონტრე - შვეიცარიის ქალაქები

shveicariis qalaqebi sanqt galeni geografia qalaqebi qveynebi
მონტრე — ქალაქი შვეიცარიის დასავლეთით. წარმოადგენს საკურორტო ქალაქს ე.წ. „შვეიცარიულ რივიერაზე“, მრავალი სასტუმროთი.
სხვადასხვა ღირსშესანიშნაობასა და ყოველწლიურ კულტურულ ღონისძიებას შორის აღსანიშნავის მონტრეს ჯაზ-ფესტივალი.


ლუცერნი - შვეიცარიის ქალაქები

shveicariis qalaqebi sanqt galeni geografia qalaqebi qveynebi
ლუცერნი (გერმ. Luzern; ფრანგ. Lucerne) — ქალაქი ჩრდილო-ცენტრალურ შვეიცარიაში, ქვეყნის გერმანულენოვან ნაწილში. ლუცერნის კანტონისა და თავისივე სახელწოდების რაიონის დედაქალაქი. 2010 წლის მონაცემებით, მისი მოსახლეობა 76 200 ადამიანია და ამ მხრივ წარმოადგენს ცენტრალური შვეიცარიის უდიდეს ქალაქსა და რეგიონის სატრანსპორტო, სატელეკომუნიკაციო და პოლიტიკურ ცენტრს. ურბანული არეალი მოიცავს 17 ქალაქს და განთავსებულია სამი სხვადასხვა კანტონის ტერიტორიაზე; მისი მთლიანი მოსახლეობა 250 000 ადამიანს შეადგენს.