სატლეჯი (ჩინეთის მდინარეები)

სატლეჯი ქვემო დინებაში პანჯნადი (პენჯ. ستلج, ਸਤਲੁਜ, ურდუ ستلج, ჰინდი सतलुज, სანსკრ. शतद्रु или सुतुद्री) — მდინარე აზიაში. ინდის ველაზე მძლავრი შენაკადი. მიედინება ჩინეთის, ინდოეთის და პაკისტანის ტერიტორიებზე. სათავეს იღებს ტიბეტის მთიანეთში 4630 მ. სიმაღლეზეკაილას მთისა და მანასაროვარის ტბის სიახლოვეს, ტბა ლანგა–ცოს დასავლეთ სანაპიროს გვერდით. მდინარის სიგრძე შეადგენს დაახლოებით 1536 კმ. (აქედან 1050 კმ. მიედინება ინდოეთში), აუზის ფართობია 395 ათასი კვ. კმ. ( აქედან, 24 ათასი კვ. კმ. მდებარეობს ინდოეთში) სატლეჯი როგორც შვიდმდინარეთიდან ერთ–ერთი მოიხსენება "ვედებში" შუტუდრის ან შატადრუს სახელით.


ხუაიხე (ჩინეთის მდინარეები)

ხუაიხე (ჩინ. 淮河) — მდინარე ჩინეთის აღმოსავლეთ ნაწილში. სიგრძე იცვლება 813-იდან 1087 კმ-მდე (დამოკიდებულია შესართავ ადგილზე). აუზის ფართობი 187 ათ. კვ.კმ. სათავე აქვს ტუნბოშანის მთებში. მიედინება ჩინეთის დიდ ვაკეზე. მთავარი (მარცხ.) შენაკადია მდინარე ინხე. უმთავრესად საზრდოობს წვიმის წყლით. წყალმოვარდნა იცის ზაფხულში. წყლის საშუალო ხარჯი დაახლოებით 1000 მ³/წმ, მაქსიმალური — 10-13 ათ. მ³/წმ. წარსულში წყალმოვარდნისას ჯებირების გარღვევის გამო ხუაიხე ხან იანძის ერთვოდა, ხან ხუანხეს, ხან ყვითელს ზღვას.
ამჟამად ხუაიხეს ჩამონადენის დიდი ნაწილი ტბებისა და არხების სისტემით მდინარე იანძიში ჩადის, წყალმოვარდნისას კი არხის საშუალებით — ყვითელ ზღვაში.


ხუანხე (ჩინეთის მდინარეები)

ხუანხე, იგივე ყვითელი მდინარე (ჩინ. 黃河) — მსოფლიოს ერთ-ერთი უდიდესი მდინარე. სიგრძით მეორეა ჩინეთში და მეშვიდე მსოფლიოში. სიგრძე შეადგენს 5,464 კმ-ს. სათავეს იღებს დასავლეთ ჩინეთში, ცინხაის პროვინციაში, ბაიან-ჰარის მთებში. ამის შემდეგ, გადაკვეთს ჩინეთის 9 პროვინციას და ჩაედინება ბოჰაის ზღვაში. ხუანხეს აუზი აღმოსავლეთიდან დასავლეთისაკენ გადაჭიმულია 1900 კმ-ზე, ჩრდილოეთიდან სამხრეთისაკენ 1100 კმ-ზე, ხოლო ფართობი შეადგენს 742,443 კმ²-ს.
ხუანხეს ჩინური ცივილიზაციის აკვანს უწოდებენ, რადგან სწორედ მის აუზში ჩაისახა ადრეული ჩინეთის ისტორიაში ყველაზე აყვავებული - ჩრდილოეთ ჩინური ცივილიზაცია.


ერცბერგი (ავსტრიის მთები)

ერცბერგი (გერმ. Erzberg) — მთისა და რკინის მადნის საბადოს საერთო სახელწოდება ავსტრიის ფედერალური მიწის — შტირიის ტერიტორიაზე. მდებარეობს აიზენერცის ალპებში, ავსტრიის ცენტრალურ-დასავლეთ ნაწილში. დედაქალაქ ვენიდან მდებარეობს სამხრეთ-დასავლეთით 260 კმ-ში, ხოლო ქალაქ გრაციდან ჩრდილოეთ-დასავლეთით 60 კმ-ში. წარმოადგენს ავსტრიის უმსხვილეს რკინის მადნის საბადოს. წელიწადში მოიპოვებენ 235 მლნ. ტ. მადანს.


ვილდშპიცე (ავსტრიის მთები)

ვილდშპიცე (გერმ. Wildspitze) — მთა ავსტრიაში. ეცტალის ალპების უმაღლესი წერტილი. სიმაღლე 3768 მ. ჩრდილოეთით მდებარეობს მყინვარი ტაშახფერნერი, სამხრეთ-აღმოსავლეთით მყინვარი როფენკარფერნერი. აქვს ორი მწვერვალი: სამხრეთი (3768 მ) და ჩრდილოეთი (3765 მ). პირველად დაიპყრეს 1848 წელს.


ზულცფლუ (ავსტრიის მთები)

ზულცფლუ (გერმ. Sulzfluh) — მთა რეტიკონის ქედზე, შვეიცარია-ავსტრიის საზღვარზე. მდებარეობს გრაუბიუნდენის კანტონში. უახლოესი დასახლებაა სანკტ-ანტენიენის მუნიციპალიტეტი.


ჯორჯტაუნი (პენანგი) (მალაიზიის ქალაქები)

ჯორჯტაუნი — ქალაქი მალაიზიაში, პენანგის შტატის დედაქალაქი. სახელი ეწოდა დიდი ბრიტანეთის მეფე ჯორჯ III-ის პატივსაცემად. მდებარეობს კუნძულ პენანგზე. 2010 წლის მონაცემებით, მისი მოსახლეობა 157 743 ადამიანს შეადგენს,[1] ხოლო მთლიანად მეტროპოლიის 1 253 748[2] და წარმოადგენს მალაიზიის სიდიდით მესამე მეტროპოლიას მოსახლეობის რაოდენობის მიხედვით.


მირი (მალაიზიის ქალაქები)

მირი — ქალაქი და ნავსადგური მალაიზიაში, სარავაკის შტატში. კუნძულ კალიმანტანის ჩრდილოეთ ნაწილში. 2010 წლის აღწერის მონაცემებით, ქალაქის მოსახლეობამ 358,020 კაცს შეადგინა.


მალაკა (მალაიზიის ქალაქები)

მალაკა — ქალაქი მალაიზიაში, მალაკის შტატის დედაქალაქი. 2009 წლის მონაცემებით, მისი მოსახლეობა 473 700 ადამიანს შეადგენს. 2008 წლის ივლისში, იუნესკომ მალაკა მალაიზიის პენანგის შტატში მდებარე ქალაქ ჯორჯტაუნთან ერთად, მსოფლიო მემკვიდრეობის სიაში შიეტანა.


კუალა-ლუმპური (მალაიზიის ქალაქები)

კუალა-ლუმპური — მალაიზიის ფედერალური დედაქალაქი და ყველაზე ხალხმრავალი ქალაქი. მოიცავს 243 კმ² ტერიტორიას. მდებარეობს მალაკის ნახევარკუნძულის სამხრეთ-დასავლეთ ნაწილში. მდინარეების კლანგისა და გომბაკის შეერთების ადგილას. მოსახლეობა 1 627 172 კაცი (2009). დიდი კუალა ლუმპურის აგლომერაციაში, რომელსაც ასევე კლანგის ხეობას უწოდებენ, 7,2 მლნ ადამიანი ცხოვრობს.


ტიბეტი

ტიბეტი (ტიბ. བོད་) — ისტორიული რეგიონი ტიბეტის პლატოზე, აზიაში, ჰიმალაის მთების ჩრდილოეთით. ტიბეტი ძირითადად დასახლებულია ტიბეტელებით. რეგიონის საშუალო სიმაღლეა 4,900 მეტრი ზღვის დონიდან და ამ მაჩვენებლით იგი დედამიწის უმაღლესი რეგიონია. მისი ეპითეტია „სამყაროს სახურავი“.


არგენტინის ზღვა - ატლანტის ოკეანის ზღვები

არგენტინის ზღვა (ესპ. Mar Argentino) — ატლანტის ოკეანის ნაწილი, რომელიც ესაზღვრება არგენტინას სამხრეთ-აღმოსავლეთით 35º — 56º 30' ს.გ. ზღვის სიგანეა 210-850 კმ. ზედაპირის ფართობია 940 ათ. კმ2, რასაც ქმნის მას ერთ-ერთ უდიდესს მსოფლიოში. ტერმინი „არგენტინის ზღვა“ შემოიტანა ჯულიუს პოპერმა 1891 წელს.