--> კონტნენტები, ქვეყნები, ქალაქები, continent, country, city, kontinentebi, qveynebi, qalaqebi



ტაივანი

taivani
ტაივანი (Taiwan) — კუნძული მატერიკული ჩინეთის მახლობლად. სახელი ტაივანი ჩინურად „ტერასებიან ყურეს“ ნიშნავს. მართლაც, ტერასებზე გაშენებული ბრინჯის პლანტაციები ტიპიური ტაივანური პეიზაჟია. დე-ფაქტო სუვერენული ქვეყანაა, თუმცა მას არ აღიარებს ჩინეთი და ქვეყნების უმრავლესობა. 1949 წელს აქ თავშესაფარი ჰპოვა ჩინეთის ნაციონალისტურმა მთავრობამ ჩან კაი შის ხელმძღვანელობით, რომელიც სამოქალაქო ომში დამარცხდა კომუნისტ მაო ძე-დუნთან.

ფართობი — 35,980 კვ. კმ. უმაღლესი მწვერვალი — იუშანი 3.997 მ; მდინარე — ლაო ნუნ-ჩი; კლიმატი — ტროპიკული.
მოსახლეობა — 22,1 მილიონი.
ენა: ჩინური.
ქალაქები (ათ.) — ტაიბეი. ტაივანი ეკონომიკურად მაღალგანვითარებული ქვეყანაა.
ეროვნული შემოსავალი: მოცულობა — 283 მლრდ $ (მე-19 ადგილი); 1 სულ მოსახლეზე — 13.060 $; სტრუქტურა (%) — სოფლის მეურნეობა 3, მრეწველობა 35, მომსახურება 62;
ექსპორტი — ელექტრომოწყობილობანი, მანქანათმშენებლობის ნაწარმი, საფეიქრო ნაწარმი.


ავღანეთი

ავღანეთის ისლამური სახელმწიფო.
avganeti
ეროვნული: افغانستان (Afghanistan), Dowlat-e Eslami-ye Afghanestan; Da Afghanistan Islami Dawlat .
ეტიმოლოგია: იგი შესაძლოა წარმოდგებოდეს სანსკრიტული Upa-Ghana-Stan-ისაგან, რაც ითარგმნება როგორც „გაერთიანებული ტომების ქვეყანა“.

გეოგრაფია

ქვეყანა მდებარეობს ცენტრალური აზიის სამხრეთში, ძველი „აბრეშუმის გზაზე“. იგი გარშემორტყმულია ახლო აღმოსავლეთის, შუა აზიისა და ინდოეთის სუბკონტინეტის ქვეყნებით (ირანი, პაკისტანი, ჩინეთი, ტაჯიკეთი, უზბეკეთი, თურქმენეთი). ფართობი: 647.500 კვ.კმ.

სახელმწიფო

სახელმწიფო სისტემა : გარდამავალი პოლიტიკური სისტემა.
სახელმწიფოს მეთაური : პრეზიდენტი ჰამიდ კარზაი (Hamid KARZAI, 2002 წლის ივნისიდან).

დემოგრაფია

მოსახლეობა - 29 928 000 (2005), მათ შორის 44% პუშტუნები, 25% ტაჯიკები, 10% ხაზარეელები, 8% უზბეკები. 5 მლნ-ზე მეტი ლტოლვილია.
სახელმწიფო ენა : პუშტუ (35%) და დარი (ავღანეთის სპარსული, 50%). სხვა ენები: უზბეკური და თურქმენელი 11%, ბალოჩი და პაშაი 4%.
რელიგია : ისლამი (სუნიტები 84%, შიიტები 15%).
დედაქალაქი : ქაბული (2,206 მლნ).
ქალაქები : კანდაგარი (450 ათასი), მაზარი შარიფი (300), ჩარიკარი (203), ჰერათი (171).
ადმინისტრაციული დაყოფა : 32 ვილაიეთი (Velayat).

ეკონომიკა

ხანგრძლივმა ომებმა მთლიანად მოშალა ეკონომიკა, რომლის საფუძველი ტრადიციულად სოფლის მეურნეობა იყო. ამჟამად ქვეყანა საგარეო ფინანსური დახმარებებით არსებობს.
რესურსები : ბუნებრივი აირი, ნავთი, ქვანახშირი, სპილენძი, ქრომიტი, ტალკი, ბარიტი, გოგირდი, ტყვია, თუთია, რკინის მადანი, მარილი, ძვირფასი და ნახევრადძვირფასი ქვები.
ვალუტა : ავღანი (AFA).

ისტორია

ქვეყნის სტრატეგიულმა მდებარეობამ განაპირობა ის, რომ ავღანეთისათვის იბრძოდნენ საუკუნეების განმავლობაში, მათ შორის ისტორიის თანამედროვე ეტაპზე. მან გადაიტანა კონფლიქტებისა და არასტაბილურობის ხანგრძლივი პერიოდი, რამაც მთლიანად მოშალა ეკონომიკა და სახელმწიფო სისტემა, მილიონობით ავღანელი ლტოლვილად აქცია. თავისი როლი შეასრულა სტიქიურმა უბედურებებმაც - მიწისძვრებმა და გვალვებმა.
XX ს. - სრული დამოუკიდებლობა ქვეყანამ მიიღო 1919 წელს ინგლისთან მესამე ომის შედეგად. კონსტიტუციური მონარქია დამყარდა 1963 წელს, დაემხო 1973 წელს. სსრკ-თან გაფორმდა ხელშეკრულება მეგობრობისა და თანამშრომლობის შესახებ 1978 წელს. ქვეყანაში დაიწყო რეფორმები, რამაც გამოიწვია კონსერვატორული ისლამური ოპოზიციის წინააღმდეგობა. სამხედრო დაპირისპირების გაძლიერებას მოჰყვა საბჭოთა ჯარების მიერ ავღანეთის ოკუპაცია 1979-1989 წლებში. უკანასკნელ წლებში კი ქვეყანა სამოქალაქო ომის ასპარეზად იქცა. ხელისუფლება პერიოდულად სხვადასხვა დაჯგუფებების ხელშია. 1998 წლიდან ქაბულს და ქვეყანის უდიდეს ნაწილს თალიბები აკონტროლებდნენ.
XXI ს. - 2001 წლის 11 სექტემბრის მოვლენების შემდეგ ავღანეთში თავშესაფარი ჰპოვა ოსამა ბინ ლადენმა, რომელიც აშშ-ს მიერ დადანაშაულებული იყო ამ და სხვა ტერაქტების ორგანიზებაში. ავღანეთის ე.წ. ჩრდილოეთის ალიანსის ოპოზიციურმა ძალებმა აშშ-სა და მისი მოკავშირეების სამხედრო მხარდაჭერით დაამხეს თალიბანის რეჟიმი. 2001 წლის ბოლოს - შეიქმნა ჰამიდ კარზაის დროებითი მთავრობა. 2004 წელს ჩატარდა პირველი საპრეზიდენტო არჩევნები. ხელისუფლებამ ჯერჯერობით ვერ მოახერხა ქვეყნის სამხრეთ და აღმოსავლეთ ნაწილებში ადგილობრივ საველე მეთაურთა წინააღმდეგობების დაძლევა.


ნიუ-იორკი (დიდი ქალაქი)

Niu iorki didi qalaqi amerikashi
ნიუ-იორკი (ინგლ.: New York [nʲuːˈjɔːɹk]) — ქალაქი ამერიკის შეერთებულ შტატებში, შტატ ნიუ-იორკში. 8 მილიონზე მეტი მცხოვრებით (830 კმ²-ზე) იგი ამერიკის ყველაზე დიდი და ჩრდილოეთ ამერიკის ყველაზე მჭიდროდ დასახლებული ქალაქია.[1][2][3] მის აგლომერაციაში 22 მილიონზე მეტი ადამიანი ცხოვრობს. ქალაქის ამავე სახელწოდების შტატისგან განსასხვავებლად მას «ნიუ იორკ სიტი»-ს უწოდებენ. ქალაქის მეტსახელია «დიდი ვაშლი» (ინგლ.: „Big Apple“)
ნიუ-იორკი საერთაშორისო ფინანსების, პოლიტიკის, გართობისა და კულტურის ცენტრია და მსოფლიოს ერთ-ერთ უმნიშვნელოვანეს გლობალურ ქალაქთაგანია მუზეუმთა, გალერეათა, სამხატვრო-საშემსრულებლო დაწესებულებათა, უმაღლეს სასწავლებელთა, მედიის, საერთაშორისო კორპორაციათა და საფინანსო ბაზართა შეუდარებელი რაოდენობით. აქ მდებარეობს გაეროს მსოფლიო შტაბ-ბინა.
ქალაქის ფარგლებში ხუთი რაიონია (ძვ. სტილით საგრაფო): ბრონქსი, ბრუკლინი, მანჰეტენი, კუინზი და სტეიტენ-აილენდი. ამ უკანასკნელის გარდა ყველა რაიონში მილიონზე მეტი მცხოვრებია და ცალ-ცალკე აშშ-ის სხვა უდიდეს ქალაქებს გაუსწორდებოდა.
ნიუ-იორკი ყოველწლიურად უდიდესი რაოდენობის იმიგრანტებს იზიდავს მსოფლიოს 180 ქვეყნიდან, ისევე როგორც მთელი აშშ-დან, რომელნიც ქალაქში მისი კულტურის, ენერგიის, კოსმოპოლიტიზმისა და ეკონომიურ შესაძლებლობათა გამო ჩამოდიან. ნიუ-იორკი ამჟამად უდიდეს ამერიკულ ქალაქთა შორის კრიმინალის ყველაზე დაბალი დონით გამოირჩევა.


სან-პაულუ (დიდი ქალაქი)

სან-პაულუ (პორტ. São Paulo) – ბრაზილიის უმსხვილესი ქალაქი; სამხრეთ ნახევრასფეროს უდიდესი და მსოფლიოს სიდიდით მერვე ქალაქი მოსახლეობის რაოდენობის მხრივ. მდებარეობს ბრაზილიის სამხრეთ-დასავლეთ ნაწილში, ამავე სახელწოდების შტატის დედაქალაქი. მდებარეობს მდინარე ტიეტეს ხეობაში. ატლანტის ოკეანის სანაპიროდან 17 კოლომეტრის დაშორებით. სან-პაულუს მეტროპოლიური არეალი სისიდით მეორეა ამერიკის კონტინენტზე და მეხუთე მსოფლიოს მასშტაბით.[1] 2010 წლის მონაცემებით, უშუალოდ ქალაქის მოსახლეობა 11 244 369 ადამიანს შეადგენს.[2] სან-პაულუს გააჩნია ძლიერი საერთაშორისო გავლენა და აღიარებულია ალფა რანგის მსოფლიო ქალაქად. სახელი ეწოდა წმინდა პავლეს პატივსაცემად.
მეტროპოლისის გავლენა დიდია როგორც ადგილობრივ, ისე საერთაშორისო დონეზე, როგორც კულტურისა და ეკონომიკის, ისე პოლიტიკის სფეროშო. ქალაქში განლაგებულია მნშივნელოვანი მონუმენტები, პარკები, და მუზეუმები. მათ შორისაა ლათინური ამერიკის მეომრიალი, პორტუგალიური ენის მუზეუმი, სან-პაულუს ხელოვნების მუზეუმი, იბირაპუერას პარკი თუ პაულიტას გამზირი, რომელიც ქალაქის უმნიშვნელოვანეს ფინანსურ ცენტრს წარმოადგენს. ქალაქი მასპინძლობს მრავალ მაღალი პროფილის ღონისძიებას, ისეთებს, როგორებიცაა სან-პაულუს არტ-ბიენალე, ბრაზილიის გრან-პრის ფორმულა 1-ში, სან-პაულუს მოდის კვირეულსა და სან-პაულუ ინდი 300-ს.


სინგაპური (დიდი ქალაქი)

singapuri didi qalaqi azia
ქალაქი-სახელმწიფო სამხრეთ-აღმოსავლეთ აზიაში, მდებარეობს მალაის ნახევარკუნძულის სამხრეთით. შედგება კუნძულ სინგაპურისა და სხვა წვრილი კუნძულებისაგან. ფართობი: 618 კვ.კმ.


მადრიდი (დიდი ქალაქი)

madridi didi qalaqi espaneti
მადრიდი (ესპანურად Madrid) — ესპანეთის დედაქალაქი, აგრეთვე, იმავე სახელის მქონე ავტონომიური ერთეულის ადმინისტრაციული ცენტრი. ქვეყნის უმსხვილესი ეკონომიკური, კულტურული და პოლიტიკური ცენტრი. ქალაქის მოსახლეობა— 3,248 000 მლნ მცხოვრები. (2005) ქალაქი პირენეის ნახევარკუნძულის ცენტრალურ ნაწილშია განლაგებული. დიდი მადრიდი 1,2 ათას ჰექტარზე გადაჭიმულ აგლომერაციას წარმოადგენს. ქალაქის ფართობი კი 607 კვადრატული მეტრია, რომელიც 21 ადმინისტრაციულ რაიონს მოიცავს. ქალაქი მსხილი სატრანსპორტო კვანძია, როგორც სარკინიგზო, ისე ჩქაროსნული გზატკეცილების თვალსაზრისით, აქვეა მსოფლიოში უდიდესი აეროპორტი.


მუმბაი (დიდი ქალაქი)

didi qalaqi mumbai
მუმბაი (მარათი: मुंबई Muṃbaī, IPA: /'mumbəi/), უწინ ბომბეი, შტატი მაჰარაშტრას დედაქალაქი, ყველაზე მჭიდროდ დასახლებული ქალაქი ინდოეთში, და ზოგიერთი ანგარიშით ყველაზე მრავალრიცხოვანი ქალაქი მსოფლიოში 13.662.885 მილიონი მცხოვრებით (2008 წლის მონაცემებით). მდებარეობს სალსეტის კუნძულზე, მაჰარაშთრას დასავლეთ სანაპიროსთან. მეზობელ გარეუბნებთან ერთად ის ქმნის მსოფლიოს სიდიდით მეექვსე აგლომერაციას, 20 მილიონი მცხოვრებით. 2015 წლისთვის მოსახლეობის რაოდენობით ქალაქი რანგით მეოთხე უნდა გახდეს თუ ზრდის მინიმალურ ტემპს (2,2%) შეინარჩუნებს. ქალაქს ღრმა ბუნებრივი ყურე აქვს. მის პორტში გადის ინდოეთის მგზავრთა ნახევარი და ტვირთის მნიშვნელოვანი ნაწილი.
მუმბაი ინდოეთის კომერციული და გართობის ცენტრია. აქ მდებარეობს მნიშვნელოვანი საფინანსო ინსტიტუტები, მათ შორის ინდოეთის სარეზერვო ბანკი, ბომბეის სააქციო ბირჟა, ინდოეთის ეროვნული სააქციო ბირჟა და მრავალი ინდური კომპანიის კორპორაციული შტაბ-ბინა. ამ ქალაქში მდებარეობს ინდოეთის კინო და ტელე ინდუსტრიის ცენტრიც - ბოლივუდი.


დელი (დიდი ქალაქი)

deli didi qalaqi chrdiloet indoeti
დელი (ჰინდი: दिल्ली, ურდუ: دہلی ორ دلّی‎, პენჯაბური: ਦਿੱਲੀ) — ქალაქური აგლომერაცია ჩრდილოეთ ინდოეთში. ეს სახელი ასევე მიუთითებს ეროვნული დედაქალაქის ტერიტორიას, რომელიც სპეციალური გაერთიანებული ტერიტორიაა ცენტრალური მთავრობის ადმინისტრაციის ქვეშ, რომელშიც სამი მუნუციპალიტეტია. დელის მეტროპოლია და დელის ეროვნული დედაქალაქის ტეროტორია ერთ ბირთვს წარმოადგენს და ამგვარად პრაქტიკულად ერთ ერთეულად ითვლება. ნიუ-დელი - ქალაქური დასახლება, დელის მეტროპოლიის ნაწილია და ინდოეთის მთავრობის ადგილსამყოფელს წარმოადგენს. დელი სიდიდით მეორე აგლომერაციაა ინდოეთში და მსოფლიოში მერვე მოსახლეობის რაოდენობით, რომელიც ამჟამად 18 მილიონს აღემატება. ჩრდილოეთ ინდოეთში მდინარე იამუნას ნაპირებზე მდებარე ქალაქის არქეოლოგიური გათხრები მოწმობს, რომ დელი მუდმივად დასახლებული ადგილი ყოფილა სულ მცირე ძვ. წ. VI საუკუნიდან. 1639 წელს მუღალთა იმპერატორმა შანჯაჰანმა აქ ააგო ახალი ციხე-გალავანი და იმპერიის დედაქალაქად გამოაცხადა (1649-1857). ახალი დედაქალაქი ნიუ-დელი 1920-იან წლებში ააგეს. როდესაც ინდოეთმა ბრიტანეთისგან დამოუკიდებლობა გამოაცხადა 1947 წელს, ნიუ-დელი მისი დედაქალაქი გახდა. მთელი ქვეყნიდან მოსახლეობის მიგრაციის გამო დელი კოსმოპოლიტი ქალაქი გახდა. სწრაფმა განვითარებამ და ურბანიზაციამ, მისი მოსახლეობის შედარებით მაღალი შემოსავლის დონით, ქალაქი მნიშვნელოვნად გარდაქმნა. ამჟამად დელი ინდოეთის მნიშვნელოვანი კულტურული, პოლიტიკური და კომერციული ცენტრია.


ლონდონი (დიდი ქალაქი)

londoni didi qalaqi didi britaneti
ლონდონი (ინგლ.: London [ˈlʌndən]) — დიდი ბრიტანეთისა და ჩრდილოეთ ირლანდიის გაერთიანებული სამეფოს დედაქალაქი. მდებარეობს მდინარე თემზაზე სამხრეთ-აღმოსავლეთ ინგლისში. ეს არის ბრიტანეთის ყველაზე დიდი და დასახლებული არეა _ მთავარი დასახლება 2 ათასწლეულის განმავლობაში, მისი ისტორია იწყება რომაელების მიერ ლონდონიუმის დაარსების დროს. ლონდონის გული არის სიტი, სადაც ბევრი რამ გვახსენებს შუა საუკუნეებს. სულ მცირე მე-19 საუკუნიდან ლონდონი ეკუთვნის არა მარტო სიტის, არამედ მის გარშემო არსებულ დასახლებასაც. ქალაქში ცხოვრობს 7.385.575 ადამიანი, აქედან 2.700.000 შიდა ლონდონში, აგლომერაციაში კი - 10.645.800 ადამიანი (2005 წლის 10 ივნისი). 1965 წლის 1 აპრილს დაარსებულ იქნა "დიდი ლონდონი". ლონდონი დიდი ბრიტანეთის ფინანსური ცენტრია და მსოფლიო ფინანსურ ცენტრთაგან ერთ-ერთი. ქალაქის გავლენა ხელოვნებაზე, მოდაზე, პოლიტიკაზე, განათლებაზე, მედიაზე, გასართობ ინდუსტრიაზე იმდენად დიდია, რომ მას გლობალური ქალაქის სტატუსი აქვს. ლონდონში არის ევროპის 500 უდიდესი კომპანიიდან 100 სათავო ოფისი. ლონდონმა უკვე ორჯერ უმასპინძლა ზაფხულის ოლიმპიურ თამაშებს, 2012 წელს კი ამას მესამედ მოახდენს.მას ერთ-ერთი წამყვანი ადგილი უჭირავს მსოფლიო მოდის ინდუსტრიაში. ქალაქის ტრასნპორტის სისტემა ერთ-ერთი უდიდესია მსოფლიოში, ჰითროუს აეროპორტი ერთ-ერთი უდიდესია მსოფლიოში უცხოელ მგზავრთა რაოდენობით. ლონდონში არის მსოფლიოში ყველაზე მეტი 480 უცხოური ბანკი. ლონდონში 300 ენაზე მეტს ლაპარაკობენ .The New York Magazine-მა ლონდონი 21 საუკუნის მსოფლიოს დედაქალაქად დაასახელა.


კაირო (დიდი ქალაქი)

kairo didi qalaqi egvipte
კაირო (არაბ. القاهرة; al-Qāhirah, კოორდ. 30.03333, 31.21667) - ეგვიპტის დედაქალაქი; 15.2 მილიონიანი მოსახლეობით (აგლომერაცია) უდიდესი ქალაქია აფრიკაში; მსოფლიოში რიგით მე-16 ყველაზე მჭიდროდ დასახლებული მეტროპოლია.
მიუხედავად იმისა, რომ ქალაქის ოფიციალური სახელია "ალ-ქაჰირა", ადგილობრივი მცხოვრებლები მას როგორც წესი ქვეყნის სახელით "მაშრ" (არაბ. مصر) მოიხსენიებენ ადგილობრივ დიალექტზე. სახელი "ალ-ფაჰირა" ითარგმნება, როგორც "გამარჯვებული". სახელის წარმოშობად ქალაქის დაფუძნების დროს პლანეტა მარსის მდგომარეობას მიიჩნევენ. მარსი დესტრუქციასთან იგივდება და არაბულად მას "ალ ნაჯმ ალ ქაჰირ" ეწოდება, ლეგენდის მიხედვით სწორედ აქედან უნდა იყოს ქალაქის სახელიც. თუმცა ისტორიულად ქალაქის სახელი მისი ტიტულიდან "ქაჰირატ ალ ადაა" (მტერთა დამთრგუნველი) უნდა წარმოშობილიყო. ეს ტიტული ქალაქს მიეცა მისი ძლევამოსილი სტატუსის გამო, ვინაიდან უცხოელთა ჯარების მიერ ქალაქის დაპყრობის მრავალი მცდელობა წარუმატებლად სრულდებოდა (მაგ. მონღოლთა, ჯვაროსნებისა და ოსმანთა შემოსევები).


სანკტ-პეტერბურგი (დიდი ქალაქი)

sankt peterburgi didi qalaqi ruseti
სანქტ-პეტერბურგი (რუს. Санкт-Петербу́рг) რუსეთის ჩრდილო-დასავლეთში მდინარე ნევის დელტაზე ფინეთის ყურის აღმოსავლეთ სანაპროზე (ბალტიის ზღვა) მდებარე სიდიდით მეორე ქალაქია. არაფორმალურად მას პიტერს (Питер) უწოდებენ და მისი ყოფილი სახელები იყო ლენინგრადი (Ленингра́д, 1924—1991) და პეტროგრადი (Петрогра́д, 1914—1924).
ქალაქი დააარსა პეტრე დიდმა 1703 წელს როგორც „ფანჯარა ევროპაში“ და ის რუსეთის იმპერიის დედაქალაქი იყო 1917 წლამდე. 4,7 მილიონი მცხოვრებით (2002) სანქტ-პეტერბურგი დღეს სიდიდით რუსეთის მეორე და ევროპის მეოთხე ქალაქია, ერთ-ერთი უდიდესი ევროპული კულტურული ცენტრი და რუსეთის უმნიშვნელოვანესი საზღვაო პორტია ბალტიის ზღვაზე.
სანქტ-პეტერბურგი ყველაზე ჩრდილოეთით მდებარეობს იმ ქალაქთა შორის, რომელთა მოსახლეობა მილიონს აღემატება. ქალაქის ცენტრი იუნესკოს მსოფლიო მემკვიდრეობის სიაშია შეტანილი. ქალაქი, რომელიც 200 წელზე მეტ ხანს რუსეთის პოლიტიკური და კულტურული ცენტრი იყო, დღესაც აღფრთოვანებას იწვევს მნახველში და მას ხშირად „ჩრდილოეთის დედაქალაქს“ უწოდებენ. ის ლენინგრადის ოლქისა და ჩრდილო-დასავლეთის ფედერალური ოლქის ადმინისტრაციული ცენტრია.


პეკინი (დიდი ქალაქი)

pekini didi qalaqi chineti
პეკინი (ჩინ. 北京市, Běijīng, ბეიძინი - ჩრდილოეთის დედაქალაქი) - ჩინეთის სახალხო რესპუბლიკის დედაქალაქია. პეკინი ჩინეთის ოთხი მუნიციპალიტეტიდან ერთ-ერთია, რაც პროვინციის ექვივალენტიურია ჩინეთის ადმინისტრაციულ-ტერიტორიულ სტრუქტურაში. პეკინის მუნიციპალიტეტი ესაზღვრება ჰებეის პროვინციას ჩრიდლოეთით, დასავლეთითა და სამხრეთით, და აღმოსავლეთის მცირე ნაწილით ტიანძინის მუნიციპალიტეტს. პეკინი ჩინეთის სიდიდით მეორე ქალაქია მოსახლეობის მიხედვით, შანჰაის შემდეგ. ის მთვარი სატრანსპორტო კვანძია, უამრავი სარკინიგზო ხაზით, გზებითა და ავტოსტრადებით ყველა მიმართულებით. ის ასევე ჩინეთის საერთაშორისო საჰაერო რეისების მთავარი პუნქტია. პეკინი ჩინეთის პოლიტიკური, საგანმანათლებლო და კულტურული ცენტრია, მაშინ როცა შანჰაი და ჰონგ-კონგი მისი ეკონომიკური დასაყრდენია. პეკინი ერთ-ერთია ჩინეთის ოთხ უძველეს დედაქალაქთა შორის.