კუალა-ლუმპური (მალაიზიის ქალაქები)

 (ხმები: 11)


კუალა-ლუმპური — მალაიზიის ფედერალური დედაქალაქი და ყველაზე ხალხმრავალი ქალაქი. მოიცავს 243 კმ² ტერიტორიას. მდებარეობს მალაკის ნახევარკუნძულის სამხრეთ-დასავლეთ ნაწილში. მდინარეების კლანგისა და გომბაკის შეერთების ადგილას. მოსახლეობა 1 627 172 კაცი (2009). დიდი კუალა ლუმპურის აგლომერაციაში, რომელსაც ასევე კლანგის ხეობას უწოდებენ, 7,2 მლნ ადამიანი ცხოვრობს.
კუალა-ლუმპურში მდებარეობს მალაიზიის პარლამენტი. ერთ დროს, ქალაქში ასევე მდებარეობდა ფედერალური მთავრობის აღმასრულებელი და იურიდიული შტოები, მაგრამ 1999 წლამდე ისინი ქალაქ პუტრაჯაიაში გადაიტანეს. თუმცა, იურიდიული შტოს ზოგიერთი ნაწილები დღემდე რჩება კუალა-ლუმპურში. ქალაქში ასევე მდებარეობს მალაიზიის მეფის, ისტანა ნეგარას ოფიციალური რეზიდენცია. კუალა-ლუმპური შეფასებულია ალფა კატეგორიის გლობალურ ქალაქად და წარმოადგენს ქვეყნის კულტურულ, ფინანსურ და ეკონომიკურ ცენტრს. გაზეთ Foreign Policy-ის 2010 წლის გლობალური ქალაქის ინდექსით, კუალა-ლუმპურს 48-ე ადგილი მიაკუთვნა სხვა გლობალურ ქალაქებს შორის.
ქალაქი მოქცეულია კუალა-ლუმპურის ფედერალურ ტეროტორიაში და წარმოადგენს მალაიზიის სამი ფედერალური ტერიტორიიდან ერთ-ერთს. იგი ანკლავია სელანგორის შტატში, რომელიც მალაკის ნახევარკუნძულის ცენრტრალურ-დასავლეთ სანაპიროსთან მდებარეობს.
1990-იანი წლებიდან, ქალაქი მრავალ სპორტულ, პოლიტიკურ და კულტურულ ღონისძიებას მასპინძლობს. კუალა-ლუმპურში მდებარეობს მსოფლიოს უმაღლესი შენობა პეტრონას კოშკები, რომელიც მალაიზიის ზღაპრული განვითარების სიმბოლოდ იქცა.

ისტორია

ქალაქი დაარსდა 1857 წელს. 1880-1978 წწ. იყო სელანგორის დედაქალაქი. 1946-1957 იმავდროულად იყო ინგლისური კოლონიის, მალაიის ფედერაციის, ცენტრი. 1957-1963 წწ. დამოუკიდებელი მალაიის ფედერაციის, ხოლო 1983 წლიდან მალაიზიის დედაქალაქია.




ტექსტის სანახავად გაიარეთ რეგისტრაცია.