რა არის ჩვენთვის აღდგომის დღესასწაული?

 (ხმები: 1)


რა არის ჩვენთვის აღდგომის დღესასწაული?

- როდესაც ცუდად ხარ, გული გტკივა ადამიანებისგან და ამ დროს, შენი მუხლმოდრეკილი თხოვნის შემდეგ - უცებ შენი გული ნათდება და ბედნიერება მოდის შენს სულში. - როდესაც მშვიდდები და გულში იმეორებ, ყველაფერი იქნება კარგად. ეს არის აღდგომა ადამიანებისთვის.
როცა გტკივა, რაღაცნაირად ითმენ ამ ტკივილს, თითქოს შიგნიდან კვდები, მაგრამ მოულოდენლად გაზაფხული მოდის. აყვავდება შენს ეზოში იასამანი,დაებერებათ ტოტებს კვირტები, შეიფოთლებიან ხეები მწვანედ, მოისხამენ ბალოტისფერ ფოთლებს და მიხვდები, სულ ახლოა აღდგომა. ცოტაც და შენი სხეული გაიმარჯვებს ამაოებაზე, შურზე, ბოროტებაზე. გაიმარჯვებ და ბედნიერად იცხოვრებ - ეს არის ადამიანისთვის აღდგომა.
მაგრამ ჩვენ თუ წირვა-ლოცვაზე არ დავდივართ, ჩვენ თუ არ ვიცით ცრელმებით ლოცვა, თუ ჩვენ არ ვფიქრობთ ღმერთზე, თუ ჩვენ გამოგვეპარა ხარება, ბზობა, ჩვენ თუ ვერ ვგრძნობთ დღესასწაულების მადლს და დროის ფერხულში ვართ ჩამბული, მაშინ ოჰ, მაშინ მოვა აღდგომა, მაგრამ ჩვენი სული არ იქნება სავსე მადლით. მოლოდინი უნდა გვქონდეს. ღმერთთან შეხვედრა უნდა გვენატრებოდეს. მის სახლში ყოფნა უნდა გვიხაროდეს. მეგობარივით უნდა ვუყურებდეთ ქრისტეს. ეს გაზაფხული, ამწვანებული ხეები, ყვავულები, კვირტები, იმედისმომცემად მოშრიალე ჭადრები თუ სულში არ გაქვს, ვერც აღდგომას იგრძნობ. ამიტომ ზოგჯერ მაინც უნდა შევჩერდეთ, თვალი მოვარიდოთ ერთფეროვნებას და მოვიკითხოთ სულში მიმობნეული პურის თავთავები. უფალი თუ არ გიყვარს, არც აღდგომა იქნება. აღდგომა ეს არის ადამიანის სულიერი სიხარული.


/დადუნა ნადარაია/




ტექსტის სანახავად გაიარეთ რეგისტრაცია.