გიორგი III გურიელი (გურიის მეფე)



გიორგი III გურიელი (გურიის მეფე)

(Giorgi III gurieli - guriis mefe)


გიორგი III გურიელი (გ. 1684), გურიის მთავარი 1664-1684, იმერეთის მეფე 1681-1683, ქაიხოსრო I გურიელის ძე.

აქტიურად მონაწილეობდა დასავლეთ საქართველოს ფეოდალურ შინაომებში. სამთავრო შეინარჩუნა ოსმალეთის მოხარკეობის ფასად. 1681 ისარგებლა იმით, რომ ახლად გარდაცვლილი იმერეთის მეფის ბაგრატ VI-ის შვილი ქართლში იყო მძევლად და დაიპყრო იმერეთის ტახტი. 1683 სულთანის ბრძანებით მეფობიდან გადააყენეს. მეფობის დაკარგვის შემდეგ გიორგი III გურიელი სათავეში ჩაუდგა დასავლეთ საქართველოს მთავართა და მსხვილ ფეოდალთა კოალიციას იმერეთის მეფის ალექსანდრე IV-ის წინააღმდეგ, მას მიემხრნენ რაჭის ერისთავი შოშიტა III, ოდიშის ფაქტობრივი მმართველი გიორგი ლიპარტიანი, ჩივაძეები, ლეჩხუმელი ფეოდალები და სხვები. როკითის ბრძოლაში კოალიცია დამარცხდა, ხოლო გიორგი გურიელი დაიღუპა.



Loading...

ტექსტის სანახავად გაიარეთ რეგისტრაცია.